آئی سی سی ویمنز ٹی20 ورلڈکپ میں پاکستان کی سیمی فائنل کھیلنے کی امیدیں برقرار ہیں۔
دبئی کرکٹ اسٹیڈیم میں گروپ اے کے میچ میں پاکستان کو نیوزی لینڈ کے خلاف لازمی فتح درکار ہے، دونوں ٹیمیں پیر کو مدمقابل آئیں گی۔
پاکستان اور نیوزی لیںڈ کے درمیان میچ مقامی وقت کے مطابق شام 7 بجے کھیلا جائے گا۔
مزید پڑھیں: ویمنز ٹی20 ورلڈکپ؛ آسٹریلیا نے پاکستان کو شکست دے کر سیمی فائنل میں جگہ بنالی
دوسری جانب قومی ٹیم کیویز کیخلاف لازمی فتح کیلئے آج شام 6 سے رات 9 بجے تک ہیڈ کوچ محمد وسیم کی نگرانی میں پریکٹس سیشن میں حصہ لے گی۔
خیال رہے کہ پاکستان نے ابتدائی میچ میں سری لنکا کو شکست دی تھی، بعدازاں بھارت اور آسٹریلیا نے گرین شرٹس کو دو میچز میں شکست دیکر گروپ اے میں تیسری پوزیشن پر دھکیل دیا ہے۔