وزیراعظم کا نجم سیٹھی کے بطور چیرمین پی سی بی کام کرنے پر اطمینان کا اظہار

وزیراعظم نوازشریف سے چیرمین پی سی بی نے ملاقات کی جس میں وزیراعظم نے نجم سیٹھی کے بطور چیرمین پی سی بی کام کرنے پر اطمینان کا اظہار کیا۔


ایکسپریس نیوز کے مطابق وزیراعظم نوازشریف سے چیرمین پاکستان کرکٹ بورڈ نجم سیٹھی نے اسلام آباد میں ملاقات جس میں انہوں نے وزیراعظم کو پی سی بی کے معاملات سے آگاہ کیا، اس موقع وزیراعظم نے نجم سیٹھی کو پی سی بی سے مکمل تعاون کا یقین دلاتے ہوئے ان کے بطور چیرمین پاکستان کرکٹ بورڈ کام کرنے کے طریقہ کار پر بھی اطمینان کا اظہار کیا۔

وزیراعظم نوازشریف نے نجم سیٹھی کو ہدایت کی کہ جشن آزادی کے موقع پر ٹورنامنٹ کا انعقاد کیا جائے جس پر چیرمین پی سی بی کا کہنا تھا کہ وزیراعظم کی ہدایت کے پیش نظر جشن آزادی کے موقع پر چاروں صوبوں پر مشتمل ٹیموں کا ٹورنامنٹ کرایا جائے گا۔