پاکستان کیخلاف دوسرے ٹیسٹ کیلیے انگلینڈ ٹیم کا اعلان

پہلے میچ والی پچ اسپنرز کو مدد فراہم کرے گی اور گیند ریورس سوئنگ بھی ہوگی، کپتان بین اسٹوکس (فوٹو: پی سی بی)

---

پاکستان کے خلاف دوسرے ٹیسٹ میچ کیلئے انگلینڈ نے اپنی 11 رکنی ٹیم کا اعلان کردیا۔

انگلش ٹیم میں کپتان بین اسٹوکس کی واپسی ہوئی ہے، بقیہ کھلاڑیوں میں زیک کرولی، بین ڈیکٹ، اولے پوپ، جوئے روٹ، ہیری، جیمی سمیتھ، بریڈن کارس، میٹ پوسٹ، جیک لیچ اور شعیب بشیر شامل ہیں۔

کپتان بین اسٹوکس کا کہنا تھا کہ ٹاس جیت کر یقینی طور پر بیٹنگ کریں گے، پہلے میچ والی پچ اسپنرز کو مدد فراہم کرے گی اور گیند ریورس سوئنگ بھی ہوگی۔

مزید پڑھیں: انگلینڈ پاکستان کیخلاف 800 یا اس سے زائد رنز بنانے والی پہلی ٹیم بن گئی

بین اسٹوکس کا کہنا تھا کہ ہماری ہمیشہ کوشش ہوتی ہے کہ میچ کا نتیجہ نکلے، 500 سے زائد رنز بنانے کے باوجود جیت اسی کی ہوتی ہے جو بہتر کھیلتا ہے۔ ہم نے کوشش کی تھی کہ زیادہ رنز بناکر پاکستان کے بلے بازوں پر دوسری اننگز میں پریشر ڈالیں۔

مزید پڑھیں: ملتان ٹیسٹ؛ جو روٹ، ہیری بروک نے پارٹنرشپ کا نیا ریکارڈ قائم کردیا

انہوں نے کہا کہ پہلے میچ میں گیند سوئنگ اور ریوس نہیں ہو رہی تھی پھر بھی ہمارے باؤلرز نے دس، دس وکٹیں حاصل کی۔ ڈی آر ایس لینا وقت کے مطابق اس دن کا فیصلہ ہوتا ہے، جو کوشش ہوتی ہے بہتر نتیجہ دے۔

انگلش کپتان کا کہنا تھا کہ پچ پر دونوں ٹیموں کو یکساں موقع ملے گا، ریوس اور سوئنگ سب کے لیے ہوگی۔