امریکی ریپر پٹ بل اور دلجیت دوسانجھ کا ساتھ 'بھول بھلیاں 3' کا ٹائٹل سانگ جاری

ممبئی: بھارتی اداکار کارتک آریان نے اپنی آنے والی فلم ‘بھول بھلیاں 3′ کے ٹائٹل ٹریک کا اعلان کر دیا ہے جس میں ایک دلچسپ بین الاقوامی میوزک کولیبریشن شامل ہے۔

اس گانے میں امریکی ریپر پٹ بل اور پنجابی میوزک اسٹار دلجیت دوسانجھ کے ساتھ بھارتی گلوکار نیراج شری دھر بھی نظر آئیں گے۔

کارتک آریان نے انسٹاگرام پر اس گانے کا ٹیزر شیئر کرتے ہوئے اپنی خوشی کا اظہار کیا اور لکھا، “روح بابا اب گلوبل ہو گیا!” انہوں نے اپنے کردار کا حوالہ دیتے ہوئے کہا کہ یہ کولیبریشن ان کے لیے ایک یادگار لمحہ ہے۔

View this post on Instagram

A post shared by KARTIK AARYAN (@kartikaaryan)

یہ گانا تنیگھک باغچی اور پریتم نے کمپوز کیا ہے اور مداح بے صبری سے اس گانے کا انتظار کر رہے ہیں، جہاں نہ صرف اس شاندار کولیبریشن کو دیکھا جائے گا بلکہ کارتک آریان کے مخصوص ڈانس مووز، جن کی جھلک ٹیزر میں دی گئی ہے، بھی شائقین کے لیے خاصی دلچسپی کا باعث ہوں گے۔

فلم انیس بزمی کی ہدایتکاری میں بنائی گئی ہے اور یہ یکم نومبر کو دیوالی کے موقع پر ریلیز ہوگی۔ فلم میں کارتک آریان اپنے مقبول کردار روح بابا کو ایک بار پھر زندہ کرتے نظر آئیں گے، جبکہ ودیا بالن، مادھوری ڈکشٹ، ترپتی ڈمری اور وجے راز بھی اہم کرداروں میں شامل ہوں گے۔