جین تھراپی مٹاپے کا شکار بچوں کو آرتھرائٹس سے بچا سکتی ہے، تحقیق

ایک نئی تحقیق میں معلوم ہوا ہے کہ جین تھراپی مٹاپے کا شکار بچوں میں زیادہ وزن سے متعلقہ صحت کے مسائل (جیسے کہ آرتھرائٹس) سے بچنے میں مدد دے سکتی ہے۔

محققین نے پروسیڈنگز آف دی نیشنل آکیڈمی آف سائنسز میں پیش کی گئی تحقیق میں بتایا کہ جین تھراپی خلیوں کو سوزش کا سبب بننے والے اومیگا-6 فیٹی ایسڈز کے مفید اومیگا- فیٹی ایسڈز میں بدلنے کا سبب بنتی ہے۔

تحقیق میں شامل مٹاپے کا شکار چوہے جنہیں جین تھراپی کا ایک انجیکشن دیا گیا، ان کی مجموعی میٹابولک صحت کے ساتھ گھٹنوں کے آرتھرائٹس کی ابتدائی علامات میں بہتری دیکھی گئی۔

تحقیق کے ڈائریکٹر فرشد گئیلک کا کہنا تھا کہ ہم نوجوانوں میں موٹاپےکی وجہ سے کمزور ہوتے گھٹنوں کا مشاہدہ کر رہے ہیں۔

محققین نے بتایا کہ تقریباً 20 فی صد بچوں اور نوجوانوں کو مٹاپے کا شکار تصور کیا جاتا ہے۔

محققین کا کہنا تھا کہ مٹاپے سے تعلق رکھنے والا آرتھرائٹس بھرپور سوزش کرنے والے اومیگا-6 فیٹی ایسڈز (جو چکنی اور تلی ہوئی غذاؤں میں پائے جاتے ہیں) کے سبب ہوتا ہے۔ یہ چکنائی آرتھرائٹس اور قلبی مرض کےساتھ استحالہ کے مسائل کا بھی سبب ہو سکتی ہے۔

دوسری جانب اومیگا-3 فیٹی ایسڈ سوزش کو کم کرنے، انسولین کی حساسیت کو بڑھانے اور چکنائی کو ختم کرنے کے لیے جانے جاتے ہیں۔ یہ چکنائی مچھلی اور گری دار میووں میں پائی جاتی ہے۔

محقق رُوہنگ تینگ کے مطابق بچوں کا ایس قسم کےفیٹی ایسڈز کا کھانا ان کے وزن کے بڑھنے میں اہم کردار ادا کر سکتا ہے۔