میڈیا واچ ڈاگ ایک نظر بھارتی انگریزی پر

بھارت اور دیگر ممالک کے لوگ جو سلوک انگریزی کے ساتھ کررہے ہیں وہ یقینی طور پر انگریزوں سے بدلے کے مترادف ہی ہے۔ فوٹو: رائٹرز

---

یہ بات ایک حقیقت ہے کہ جنوبی ایشیا میں رہنے والے اکثر لوگ انگلش فوبیا میں مبتلا ہوتے ہیں چاہے وہ ہندوستانی ہوں یا پاکستانی یا پھر بنگلہ دیشی ،سب بلا ضرورت ایک دوسرے پر رعب ڈالنے کے لیے ہر وقت الٹی سیدھی انگریزی بولتے رہتے ہیں اور اگر ان کی انگریزی کوئی ماہر انگریزی دان یا کو ئی انگریز سن لے تو شاید اس کو دل کا دورہ ہی پر جائے اور یہ بھی ہو سکتا ہے کہ وہ اس صدمے کی تاب نہ لاتے ہوئے اس دنیا فانی سے کوچ کر جا ئے۔

کیونکہ انگریزی بولنے کے چکر میں جس طرح ان ممالک میں اس زبان کے ساتھ جو سلوک روا رکھا جاتا ہےوہ سراسر اُس ملک، ُاس کے با سیوں اور اس کی زبان کے ساتھ زیادتی ہے اور شاید جس طرح کی انگریزی اب بولی اور لکھی جارہی ہے وہ یقینی طور پر انگریزوں سے بدلے کے مترادف ہی ہے۔ آج کل ٹوئیٹر پر اِسی حوالے سے ایک اکاونٹ بنایا گیا ہے جہاں بھارت میں انگریزی کے ساتھ روا رکھے جانے والے سلوک کا خوب چرچہ ہورہا اور مزے کی بات تو یہ ہے کہ یہ اکاونٹ کسی اور نے نہیں بلکہ خود ایک بھارتی نے بنایا ہے۔

میں اپنی بات کو طول دینے کے ہر گز موڈ میں نہیں ہوں بلکہ آپ کو بھی انگریزی کے کچھ ایسے شاہکار سے آگاہ کروں جس سے آپ بھی محظوظ ہوسکیں۔

https://twitter.com/CasanovaCupid/status/482460523624009728

یقینی طور پر یہ خراب انگریزی کا نتیجہ ہے۔ یہ بندہ لکھنا تو کچھ اور ہی چاہ رہا تھا مگر MOM یعنی ماں جیسے عظیم رشتے کو چکن میں بھی فراہم کردیا اور وجیٹیبل میں بھی۔

Happy birthday to our beloved leader. with best complaints. #IndianEnglish pic.twitter.com/ghdVOKIsAy"

— premsingh (@Impari26) July 3, 2014

اِن صاحب کو اِن کی سالگرہ کے موقع پر لوگ اپنی نیک خواہشات اور پُرخلوص طریقے سے مبارک باد دینا چاہتے تھے مگر ہو کچھ اور ہی گیا۔ With Best Compliments کا محاورہ تبدیل ہوتے ہوئے With Best Complain میں تبدیل ہوگیا یعنی بہترین شکایتوں کے ساتھ۔

https://twitter.com/CarbonatedTV/status/483549894523633666

اگر یہاں مرد و زن کی تصویر نہ لگائی ہوتی تو یہ پہچاننا مشکل ہی ہوجاتا ہے منتظمین آخر کہنا کیا چاہتے ہیں وجہ زبان کی واقفیت میں کمی ہے۔ Gents جو Jents لکھ دیا گیا اور Ladies کو Leadies ۔۔۔۔ مگر بات وہی ہے نہ کہ تصور سب کچھ کہہ سکتی ہے۔

Beauty of #IndianEnglish especially in #Kolkata @G_Rajaraman @joybhattacharj pic.twitter.com/tKI7cGQ4f5

— Amit Bansal (@TheAmitBansal) June 30, 2014

اگر یہ سچ ہے تو بہت ہی خطرے کی بات ہے۔ کیونکہ ہم تو اب تک SNACKS کے مزے سے لطف انداز ہوتے تھے مگر اب معلوم ہورہا ہے کہ بھارت میں لوگ SNACKS سے لطف اندوز ہوتے ہیں یا نہیں مگر SNAKES سے ضرور ہوتے ہیں۔

I feel a religious angle to it :-) "@anshulbhartiya: Yet another one #IndianEnglish http://t.co/6kJtLcNqdE"

— Jayanta Bhattacharya 🇮🇳 (@goldenarcher) June 28, 2014

بات اگر سمجھ نہیں آئی تو آئیے میں سمجھا دیتا ہوں۔ اِس تصویر میں لکھا ہے کہ یہ ایک DARK ROOM یعنی اندھیرے والا کمرہ ہے۔ لہذا اِس کمرے کو بندے رکھیے اگر یہ کُھلا رہ گیا تو سارا اندھیرا لیک ہوجائے گا اور کمرے سے ندھیرے کا خاتمہ ہوجائے گا۔

#IndianEnglish pic.twitter.com/XtSJ9rLNcM

— पटाखा गुड्डी™ (@SuperstarGuddi) June 28, 2014

عام طور پر آپ نے یہی سنا ہوگا اور عملی طور پر بھی دیکھا ہوگا کہ مرد و زن کے کپڑے اگر چھوٹے یا بڑے ہوجائے تو اُن کو ALTER کروایا جاتا ہے یعنی فٹنگ میں لایا جاتا ہے مگر یہ صاحب تو کمال کے ہی نکلے کیونکہ یہ مرد و خواتین کے کپڑوں کو نہیں بلکہ خود اُن کو ہی ALTER کرنے کی مہارت رکھتے ہیں۔

Even the Americans will be shocked #IndianEnglish pic.twitter.com/AV2ZPOOBKH

— Krishna Kumar Roy (@KrishnaUwacha) June 27, 2014

مجھے یقین ہے کہ انسان ہونے کے ناطے آپ کا خدا پر یقینی طور پر بھروسہ ہوگا یعنی آپ خدا پر بھروسہ کرتے ہیں مگر انگریزی کی مہارت نے اِن کو ایک قدم آگے کی جانب نکال دیا ہے اور اب اِن کو بھروسہ پر خدا ہے۔

یہ بھارتی انگریزی کی چند چیدہ چیدہ مثالیں ہیں جن کو لے کر ٹویٹر پر کافی مذاق اڑایا جارہا ہے ۔لگتا تو ایسے ہے جیسے بھارتیوں نے اپنے طور پر نئی انگریزی بنا لی ہے جو دنیا سے بالکل مختلف نظر آتی ہے، اس میں کوئی شک نہیں کہ انگریزی ایک عالمی زبان ہے جو اب سائنس اور ٹیکنالوجی کی زبان بن چکی ہے۔ ہم کو یہ ضرور سیکھنی چاہیے مگر اپنی ضرورت کے مطابق نہ کہ اس پر ساری ساری زندگیاں صرف کردیں ۔اورایک بات یاد رکھنی چاہیے کہ مادری زبان بندے کی ماں ہوتی ہے اور ماں بدلی نہیں جاسکتی۔

نوٹ: روزنامہ ایکسپریس اور اس کی پالیسی کا اس بلاگر کے خیالات سے متفق ہونا ضروری نہیں ہے۔

اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 800 الفاظ پر مشتمل تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس بھی بھیجے جا سکتے ہیں۔