بھارت میں ہوس کے پجاری 86 سالہ سسر نے بہو کی عزت تارتار کردی

سسر نے اپنی ہوس کا نشانہ ساس اوردیور کی مدد سے بنایا، متاثرہ لڑکی فوٹو: فائل

---

بھارتی ریاست کرناٹکا میں ہوس کے پجاری 86 سالہ سسر نے بہو کو اپنی درندگی کا نشانہ بناڈالا۔

بھارتی میڈیا کے مطابق مقامی پولیس کا کہنا ہے کہ زیادتی کا واقعہ 3 ماہ قبل پیش آیا تاہم سسر کی دھمکی اور خوف کے باعث بہو نے اپنے ساتھ پیش آنے والے اندوہناک واقعے کی کسی کو خبر نہ کی اور خاموش ہوکر بیٹھ گئی جس کے باعث واقعے کی شکایت درج نہ ہوسکی۔ پولیس کا کہنا تھا کہ جب لڑکی نے واقعے کی ایف آئی آر درج کرائی تو اس کا سسر پکڑے جانے کے خوف سے فرار ہوگیا۔

پولیس کا کہنا ہے کہ زیادتی کی شکار لڑکی نے بتایا کہ سسر نے اسے اپنی ہوس کا نشانہ ساس اور دیور کی مدد سے بنایا جبکہ واقعے کا علم ہونے پر اس کا شوہر بھی دوسرا بیاہ رچا کر بیٹھ گیا۔