ایمرجنگ ٹیمز ایشیاکپ پاکستان شاہینز کی عمان کو 74 رنز سے شکست
185 رنز کے جواب میں عمان کی ٹیم 111 رنز بناسکی
ایمرجنگ ٹیمز ایشیا کپ ٹی 20 ٹورنامنٹ میں پاکستان شاہینز نے عمان کو 74 رنز سے شکست دے دی۔
عمان میں کھیلے گئے میچ میں پاکستان شاہینز نے ٹاس جیت کر بیٹنگ کرتے ہوئے 20 اوورز میں پانچ وکٹوں کے نقصان پر 185 رنز بنائے۔ پاکستان کی طرف سے قاسم اکرم 48 اور روحیل نذیر 41 رنز کے ساتھ نمایاں رہے۔
ہدف کے تعاقب میں عمان کی ٹیم 20 اوورز میں سات وکٹوں کے نقصان پر 111 رنز بناسکی، زمان خان نے 2 کھلاڑیوں کو آؤٹ کیا۔
مزید پڑھیں: ایمرجنگ ٹی20 ایشیاکپ؛ بھارت نے پاکستان کو 7 رنز سے ہرادیا
یاد رہے کہ پاکستان شاہینز کو اپنے پہلے میچ میں بھارت اے کے ہاتھوں شکست کا سامنا کرنا پڑا تھا، پاکستان شاہینز اپنا اگلا میچ بدھ کو متحدہ عرب امارت کیخلاف کھیلیں گے۔