- ایک شخص نے اپنے خاندان کا نام لے کر آئین تباہ کردیا، سلمان راجا
- نواز شریف آئندہ چند روز میں لندن پھر امریکا جائیں گے
- 6 ہفتے بیت گئے، پاکستان افغانستان کیلیے نمائندہ مقرر نہ کرسکا
- 26 ویں آئینی ترمیم کے خلاف وکلاء تحریک شروع کرنے کا اعلان
- بجلی پر رعایت ختم، 9 سے 29 روپے یونٹ تک نیا ٹیرف لاگو
- کرنٹ اکاؤنٹ سرپلس 5 ماہ کی بلند ترین سطح پر پہنچ گیا
- ملک میں 75سال سے بحران چل رہے ہیں، فیصل واوڈا
- فائلرز بننے کیلیے سابق گوشوارے جمع کروانے کی ضرورت نہیں، ایف بی آر
- پی ٹی آئی کی سیاسی کمیٹی کے اہم ترین اجلاس کا اعلامیہ جاری
- 5 ویں ٹیکسٹائل اینڈ لیدر نمائش ’ٹیکسپو‘ کا افتتاح وزیر اعظم کرینگے
- پی ٹی آئی ترمیم کی آڑ میں این آر او چاہتی تھی، حسن مرتضیٰ
- کراچی؛ سائٹ ایریا قبرستان سے صندق میں بند خاتون کی ہاتھ پاؤں بندھی لاش برآمد
- کراچی؛ نارتھ ناظم آباد میں نامعلوم ملزمان کی فائرنگ سے پراپرٹی ڈیلر جاں بحق
- 26 ویں ترمیم کی منظوری پر مدارس میں دعاؤں اور شکرانے کے نوافل ادا کرنے کی اپیل
- کراچی؛ سکھن پولیس نے جعلی پولیس اہلکار کو وردی سمیت گرفتار کر لیا
- اسرائیلی فوج نے 3 لبنانی فوجیوں کی ہلاکت پر معافی مانگ لی
- وفاقی کابینہ کا اجلاس آج طلب کرلیا گیا
- لاہور؛ شیراکوٹ کے علاقہ میں فائرنگ سے دو شہری ہلاک، ملزم زخمی حالت میں گرفتار
- برٹش ایئرویز کی اسرائیل کیلئے پروازوں کی معطلی میں مارچ 2025 تک توسیع
- خیبرپختونخوا کے وزرا کی مراعات میں اضافے کا فیصلہ
ڈرون بنانے والے پاکستانی اسٹارٹ اپ میں ایک ملین ڈالر امریکی سرمایہ کاری متوقع
کراچی: ڈرون بنانے والا پاکستانی اسٹارٹ اپ ”اسکائی ان“ ایک ملین ڈالر کی امریکی سرمایہ کاری سے اپنی پیداواری گنجائش میں اضافہ کرے گا، پاکستان میں تیار کردہ ڈرون ایکسپورٹ کیے جائیں گے۔
اسکائی ان کے سی ای او محمد مزمل شہزاد نے ایکسپریس کو بتایا کہ دبئی میں ہونے والے اسٹارٹ اپس کے شو ایکسٹینڈ نارتھ اسٹار میں امریکی سرمایہ کار نے ان کے اسٹارٹ اپ میں ایک ملین ڈالر کی ابتدائی سرمایہ کاری میں دلچسپی کا اظہار کیا ہے۔
انہوں نے بتایا کہ امریکی سرمایہ کاری حاصل کرنے کے لیے بات چیت آخری مراحل میں ہے اور 28 اکتوبر کو ہونے والی میٹنگ میں اس سرمایہ کاری کو حتمی شکل دی جائے گی۔
اسکائی ان پاکستان میں ایڈوانس اور کسٹمائز ڈرون تیار کرتا ہے اور آٹھ سال سے اس شعبے میں جدید سلوشنز متعارف کرانے کی تحقیق و جستجو میں مصروف عمل ہے۔ اسکائی ان کے تیار کردہ زیادہ تر ڈرون ملٹری مقاصد کے لیے استعمال ہوتے ہیں تاہم یہ اسٹارٹ اپ سول مقاصد کے لیے بھی ڈرون تیار کرسکتا ہے۔
محمد مزمل شہزاد نے بتایا کہ دبئی میں ہونے والے اسٹارٹ اپ شو میں شرکت انٹرنیشنل شراکت داری، اشتراک عمل اور سرمایہ کاری کے حوالے سے بہت امید افزاء ثابت ہوگئی پاکستانی نژاد امریکی سرمایہ کاری نے ڈرون ٹیکنالوجی میں دسترس دیکھتے ہوئے ایک ملین ڈالر کی ابتدائی سرمایہ کاری کی پیش کش کی جو پاکستان میں ڈرون مینوفیکچرنگ میں سب سے بڑی سرمایہ کاری ہوگی۔
مزمل نے کہا کہ سرمایہ سے اسٹارٹ اپ کی پیداواری استعداد بڑھائی جائیگی جو اس وقت 30 ڈرون ماہانہ ہے، امریکی سرمایہ کاری سے انفرااسٹرکچر بڑھایا جائے گا افرادی قوت اور ہارڈویئر میں اضافہ ہوگا۔
انہوں نے کہا کہ وہ ڈرون ٹیکنالوجی میں پاکستان کی مہارت کو بین الاقوامی سطح پر اجاگر کرنے کے لیے جلد دبئی میں دفتر قائم کریں گے تاکہ متحدہ عرب امارات کی مارکیٹ میں شیئر حاصل کیا جاسکے۔ اس وقت ان کے تیار کردہ ڈرون پاکستان میں ملٹری مقاصد کے لیے استعمال ہورہے ہیں۔
اسکائی ان کو سعودی عرب میں ہونے والی ورلڈ ڈیفنس ایکسپو میں سعودی عرب سے بھی آرڈر ملا ہے جس کی تیاری جاری ہے۔ سعودی شراکت داری سے سعودی عرب میں بھی ڈرونز کے پرزہ جات تیار کرنے کی سہولت قائم کی جائیگی۔ اسکائی ان کا تیار کردہ ڈرون 20کلو گرام وزن کے ساتھ 5ہزار میٹر کی بلندی پر مسلسل 2گھنٹے پرواز کرسکتا ہے۔
یہ اینٹی ڈرون ٹیکنالوجی سے نمٹنے کی صلاحیت رکھتے ہیں اور جی پی ایس کے بغیر بھی پرواز کرکے واپس اپنی لینڈنگ پوزیشن پر آنے کی صلاحیت کمیونی کیشن لنک سے لیس ہے اس طرح اس ڈرون کو ہیک ہونے سے بچایا جاسکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔