کموڈور شہزاد اقبال کی ریئر ایڈمرل کے رینک پر ترقی

  کراچی: پاک بحریہ کے کموڈور شہزاد اقبال کو ریئر ایڈمرل کے رینک پر ترقی دے دی گئی۔

ترجمان پاک بحریہ کے مطابق ریئر ایڈمرل شہزاد اقبال نے 1995 میں پاکستان نیوی کی آپریشنز برانچ میں کمیشن حاصل کیا۔ وہ پاکستان نیوی وارکالج لاہوراورنیشنل ڈیفنس یونیورسٹی اسلام آباد سے گریجویٹ ہیں۔

انہوں نےکراچی یونیورسٹی سے نیول سائنسز میں بی ایس سی اورچین سےگنری آفیسر کمانڈ کورس بھی کیا ہے۔ پاک بحریہ میں اپنے شاندار کیریئر کے دوران مختلف کمانڈ اینڈ اسٹاف تقرریوں پر خدمات سرانجام دی ہیں۔ ان کی کمانڈ تقرریوں میں کمانڈنگ آفیسر پی این ایس سیف، کمانڈر جناح نیول بیس اورماڑہ اور پاک بحریہ کے 25 ویں ڈیسٹرایر اسکواڈرن کی کمانڈ شامل ہیں۔

انہوں نےہیڈکوارٹرز پاکستان فلیٹ میں سینیئر اسٹاف آفیسر(آپریشنز اینڈ پلانز) اور نیول ہیڈکوارٹرز میں ڈائریکٹرفارن ملٹری کولیبریشن، ڈائریکٹر نیول آپریشنل پلانز اور اسسٹنٹ چیف آف نیول اسٹاف (آپریشنز )کےطور پر بھی خدمات انجام دیں۔

ریئر ایڈمرل شہزاد اقبال کو ان کی شاندار خدمات کےاعتراف میں فلیگ آفیسرستارہ امتیاز (ملٹری) سے نوازا گیا ہے۔