ورن دھون نے پریانکا چوپڑا کو 'بیٹی' بنانے والی ویڈیو شیئر کردی، مداح حیران

 ممبئی: بالی وڈ اداکار ورن دھون نے حال ہی میں اپنے آنے والے ویب سیریز ’سائٹڈل: ہنی بنی‘ کی پروموشنز کے دوران مداحوں کو حیران کر دیا ہے۔

اداکار نے اپنے انسٹاگرام اکاؤنٹ پر ایک دلچسپ ویڈیو شیئر کی جس میں پریانکا چوپڑا انہیں اپنے ‘والد’ کہہ رہی ہیں۔

یہ ویڈیو سائٹڈل کے امریکی ورژن سے لی گئی ہے، جس میں پرینکا کے کردار نادیا سنگھ نے اپنے والد راہی گمبیر کا ذکر کیا ہے، جو دراصل ورن دھون کا کردار ہے۔

ورن نے ویڈیو کے ساتھ کیپشن میں خود کو “راہی گمبیر” کے طور پر متعارف کروایا اور بتایا کہ انہیں اپنی بیٹی ہونے پر فخر ہے۔

یہ ویڈیو مداحوں میں زبردست جوش و خروش پیدا کر رہی ہے اور سیریز کے بارے میں مزید دلچسپی بڑھا رہی ہے۔

View this post on Instagram

A post shared by VarunDhawan (@varundvn)

سائٹڈل: ہنی بنی میں ورن دھون اور سمانتھا رُتھ پربھو مرکزی کردار ادا کر رہے ہیں، جو 90 کی دہائی کے جاسوسوں کا کردار نبھا رہے ہیں۔ یہ ویب سیریز 7 نومبر 2024 کو ایمیزون پرائم ویڈیو پر ریلیز ہوگی۔

اس ایکشن سے بھرپور سیریز کی ہدایتکاری راج نیدیمورو اور کرشنا ڈی کے نے کی ہے اور یہ سائٹڈل یونیورس کے مختلف ورژنز میں سے ایک ہے۔