الیکشن کمیشن کل پی ٹی آئی انٹرا پارٹی انتخابات کیس کی سماعت کرے گا

  اسلام آباد: الیکشن کمیشن کل پی ٰٹی آئی انٹرا پارٹی انتخابات کیس کی سماعت کرے گا۔

الیکشن کمیشن کی جانب سے چیئرمین پی ٹی آئی بیرسٹر گوہر، رؤف حسن اور اکبر ایس بابر کو نوٹس جاری کردیے گئے ہیں۔

الیکشن کمیشن میں کل بانی پی ٹی آئی کے خلاف توہین الیکشن کمیشن و الیکشن کمشنر کیس کی بھی سماعت ہوگی جبکہ اسلام آباد و پنجاب میں بلدیاتی انتخابات میں تاخیر سے متعلق کیس بھی سنا جائے گا۔

اس حوالے سے چیف سیکرٹری پنجاب، سیکرٹری لوکل گورنمنٹ، وفاقی سیکرٹری داخلہ اور چیف کمشنر اسلام اباد کو نوٹس جاری کردیے گئے۔

الیکشن کمیشن میں سینٹر سیف اللہ ابڑو کے خلاف شہادت اعوان کی درخواست پر نااہلی ریفرنس کی سماعت بدھ کو ہوگی۔