جمی شیرگل اور تمنا بھاٹیا کی "سکندر کا مقدر" کا سنسنی خیز آغاز، نیٹ فلکس نے پہلی جھلک جاری کردی
نیٹ فلکس اور معروف فلم ساز نیراج پانڈے ایک بار پھر ایک ساتھ کرائم تھرلر "سکندر کا مقدر" پیش کرنے جا رہے ہیں۔ فلم کی ریلیز سے پہلے، نیٹ فلکس نے اس کے بی ٹی ایس ویڈیو کی پہلی جھلک جاری کر دی ہے، جس میں سنسنی خیز ایکشن اور کرداروں کی شاندار پرفارمنسز دکھائی گئی ہیں۔
"سکندر کا مقدر" میں مرکزی کردار ادا کرنے والے اداکاروں جمی شیرگل، اویناش تیواری اور تمنا بھاٹیا ہیں، جن کی پرفارمنسز نے فلم کو ایک نئی جہت دی ہے۔ نیٹ فلکس پر جاری کی گئی اس پہلی جھلک نے فلم کے شائقین میں بے پناہ تجسس پیدا کر دیا ہے۔
فلم کی پروڈیوسر شیتل بھاٹیا نے ایک انٹرویو میں بتایا کہ فلم کی تیاری بہت عمدہ طریقے سے ہو رہی ہے اور جلد ہی اسے نیٹ فلکس پر ریلیز کیا جائے گا۔ انہوں نے اداکار اویناش تیواری کی کارکردگی کی بھی تعریف کی اور کہا کہ نیراج پانڈے نے فلم لکھتے وقت اویناش کو کردار کے لیے موزوں سمجھا اور انہوں نے بہترین کام کیا ہے۔