بھارتی ٹیلی ویژن کا مشہور ڈرامہ ’سی آئی ڈی‘ واپسی کے لئے تیار

بھارتی ٹیلی ویژن کا مشہور ڈرامہ CID اب واپسی کے لئے تیار ہے، سونی انٹرٹینمنٹ کے سوشل میڈیا اکاؤنٹ نے ایک مختصر کلپ جاری کر کے شائقین کو خوشخبری سنائی ہے کہ CID ایک نئے سیزن کے ساتھ واپس آرہا ہے۔ 

شِواجی ساٹم کو اے سی پی پردیومن کے کردار میں دیکھ کر شائقین خوشی سے جھوم اٹھے ہیں۔ ساتھ ہی اس میں دیا شیٹی (دیا) اور ادیتیہ سریواستو (ابھیجیت) بھی واپس نظر آئیں گے۔

ٹیزر میں پردیومن کو ایک دھماکے کی جگہ پر پریشانی کے عالم میں دکھایا گیا ہے، اور ساتھ ہی شو کا مشہور ساؤنڈ ٹریک سنائی دیتا ہے، جس سے واپسی کا اعلان کیا گیا ہے۔