امریکی صدر جوبائیڈن نے اس امید کا اظہار کیا ہے کہ اسرائیل کے ایران پر حملے کے بعد اب فریقین کے درمیان جنگ رک جائے گی۔
عالمی خبر رساں ادارے کے مطابق امریکی صدر جوبائیں نے کہا ہے کہ اسرائیل نے اپنے وعدوں کے عین مطابق ایران کے صرف فوجی اہداف کو نشانہ بنایا۔
امریکی صدر جوبائیڈن نے کہا کہ اسرائیلی فوج نے ایران میں ایٹمی تنصیبات کو نشانہ نہیں بنایا۔ یہ ایک مثبت اشارہ ہے اور امید ہے اس کے بعد کہ دونوں ممالک کے درمیان کشیدگی ختم ہوجائے گی۔
اس سے قبل امریکی وزیر دفاع آسٹن کہہ چکے ہیں اب ایران کو اسرائیلی حملے کے جوابی حملے پر ردعمل دینے سے گریز کرنا چاہیے تاکہ خطے میں جنگ کا خاتمہ ہوسکے۔
یاد رہے کہ اسرائیل نے یکم اکتوبر کے ایران کے 200 میزائل سے حملے کے جواب میں گزشتہ روز پاسداران انقلاب کے ملٹری پوائنٹس کو نشانہ بنایا جس میں 4 ایرانی فوجی جاں بحق ہوگئے۔