کرن ارجن کی 3 دہائیوں بعد دنیا بھر کے سنیما گھروں میں واپسی

بھارتی فلمساز راکیش روشن نے ماضی کی مشہور فلم ’کرن ارجن‘ کو پھر سے سنیما گھروں میں ریلیز کرنے کا اعلان کردیا۔

راکیش روشن نے اپنے آفیشل انسٹاگرام پر فلم کرن ارجن کا پوسٹر شیئر کرتے ہوئے یہ اعلان کیا ہے کہ وہ فلم کے 30 سال مکمل ہونے کی خوشی میں اسے پھر سے سنیما گھروں میں ریلیز کررہے ہیں۔

فلم میں مرکزی کردار بالی ووڈ کے بادشاہ شاہ رخ خان اور سلمان خان نے ادا کیے جس کے بعد ان دونوں خان کی جوڑی نے خوب شہرت کمائی اور اسے فلم بینوں کی جانب سے بےحد پسند کیا گیا۔ 

اس فلم میں کرن اور ارجن کی ماں کا کردار ادا کرنے والی راکھی جی کا ایک ڈائیلاگ ’میرے کرن ارجن آئیں گے‘ بھی بے حد مشہور ہوا تھا، جس سے آج بھی اس فلم کی یاد تازہ ہوجاتی ہے۔