کراچی: ڈیفنس توحید کمرشل ایریا میں فلیٹ سے کے ایم سی کے فٹبال کے کوچ تین روز پرانی گولی لگی لاش ملی ہے،مقتول 3 بچوں کا باپ تھا پولیس نے مقتول کے بیٹے کی مدعیت میں واقعے کا مقدمہ درج کرکے تفتیش شروع کردی۔
تفصیلات کے مطابق منگل کی علی الصبح کلفٹن تھانے کے علاقے ڈینفس فیزفائیواسٹریٹ 28 توحید کمرشل ایریا میں واقع فلیٹ سے ایک شخص کی گولی لگی 3 روز لاش ملی ہے۔
مقتول کی شناخت 65 سالہ غنی الرحمن ولد گل ایمان کے نام سے کی گئی ، جو شاہ رسول کالونی کا رہائشی اور تین بچوں کا باپ تھا۔
مقتول کے ایم سی کے اسپورٹس ڈیپارٹمنٹ میں بطور فٹبال کوچ ملازمت کرتا تھا۔ ایس ایچ اوکلفٹن اعظم راجپرکے مطابق26 اکتوبرکی صبح سے گھرسے نکل کرکہیں چلے گئے تھے اورپھرواپس نہیں لوٹے،مقتول کے بیٹے کی جانب سے بوٹ بیسن تھانے میں گمشدگی کی رپورٹ درج کرائی گئی۔
موبائل فون کے لوکیشن حاصل کی توڈیفنس فیز 5 کے فلیٹ میں موبائل موجود تھا ۔ فلیٹ کے باہر پہنچ کرفون پر کال کی تو گھنٹی اندربج رہی تھی۔
علاقہ مکینوں کے مطابق فلیٹ خالی تھا لیکن کچھ لوگ بیٹھک لگاتے ہیں شک ہے کہ بیٹھک کے دوران دوستوں میں جھگڑا ہوا اورغنی الرحمان کو قتل کردیا گیا،جائے وقوعہ سے 30 بورپستول کا خول اورچھری ملی تھی،پولیس نے مقتول کے بیٹے زبیرخان کی مدعیت میں واقعے کا مقدمہ نامعلوم ملزمان کے خلاف درج کرکے تحقیقات کا آغازکردیا۔
دوسری جانب مقتول کے بیٹے محمد زبیرخان نے بتایا کہ ان کے والد جمعے کی شب گھرپرآئے توانھوں نے بتایاکہ انہیں کسی نے نشہ آور چیز پلائی ہے اوروہ گھرآکر سو گئے اور صبح اٹھ کر گھرسے کہیں چلے گئے، والد 3 دن تک لا پتہ تھے پیر اورمنگل کی درمیانی شب پولیس کے ساتھ ملکر موبائل فون لوکیشن نکالی اور ڈیفنس فیزفائیو پہنچےتو فلیٹ سے ان کی 3 دن پرانی لاش ملی۔