روحانی دوست

 صائم المصطفے صائم 
واٹس اپ (0333-8818706)
فیس بک (Saim Almustafa Saim)

علمِ الاعداد سے نمبر معلوم کرنے کا طریقہ:

دو طریقے ہیں اور دونوں طریقوں کے نمبر اہم ہیں۔

اول تاریخ پیدائش دوم نام سے!

اول طریقہ تاریخ پیدائش:

مثلاً احسن کی تاریخ پیدائش 12۔7۔1990 ہے۔

 ان تمام اعداد کو مفرد کیجیے، یعنی باہم جمع کیجیے:

1+2+7+1+9+9=29

29 کو بھی باہم جمع کریں (2+9) تو جواب 11 آئے گا۔

11 کو مزید باہم جمع کریں (1+1)

تو جواب 2 آیا یعنی اس وقت تک اعداد کو باہم جمع کرنا ہے جب تک حاصل شدہ عدد مفرد نہ نکل آئے۔ پس یعنی آپ کا لائف پاتھ عدد/نمبر ہے۔

گویا تاریخ پیدائش سے احسن کا نمبر 2 نکلا۔

اور طریقہ دوم میں:

سائل، سائل کی والدہ، اور سائل کے والد ان کے ناموں کے اعداد کو مفرد کیجیے

مثلاً نام ''احسن '' والدہ کا نام '' شمسہ'' والد کا نام '' راشد۔''

حروفِ ابجد کے نمبرز کی ترتیب یوں ہے:

1 کے حروف (ا،ء ،ی،ق،غ)  ، 2 کے حروف (ب،ک،ر)  ،  3 کے حروف (ج،ل،ش) ، 4 کے حروف (د،م،ت)  ،  5 کے حروف(ہ،ن،ث)  ، 6 کے حروف (و،س،خ) ، 7 کے حروف (ز،ع،ذ)  ، 8 کے حروف (ح،ف،ض)  ، 9 کے حروف (ط،ص،ظ) ، احسن کے نمبر (1،8،6،5)

 تمام نمبروں کو مفرد کردیں:(1+8+6+5=20=2+0= 2 )

گویا احسن کا نمبر2 ہے۔ایسے ہی احسن کی والدہ ''شمسہ'' کا نمبر9 اور والد راشد کا نمبر1 بنتا ہے۔

اب ان تینوں نمبروں کا مفرد کرنے پر ہمیں احسن کا ایکٹیو یا لائف پاتھ نمبر مل جائے گا:

(2+9+1=12=1+2=3) 

گویا علم جفر کے حساب سے احسن کے نام کا نمبر 3 نکلا!

علم الاعداد کی روشنی میں آپ کا یہ ہفتہ

پیر28 تا 3 نومبر 2024

پیر28 اکتوبر 2024

آج کا حاکم عدد 3 ہے۔تین کا عدد ایک روحانی عدد سمجھا جاتا ہے، لیکن اسے صرف روحانی کہنا مناسب نہ ہوگا، یہ زندگی میں آگے بڑھنے، ترقی اور پھلنے پھولنے میں معاون ہوتا ہے حالات میں بہتری کی امید ہے۔ خصوصاً ایسے کام جو دل کے سکون کا سبب ہوں۔آپ کی تاریخ پیدائش میں اگر 2،3،4،7،8 اور9خصوصاً 3 کا عدد یا پیدائش کا دن جمعرات ہے یا نام کا پہلا حرف ا،ی اور غ ہے تو آج کا دن آپ کے لیے بہتر دن ہوسکتا ہے۔ لیکن اگر آپ کی تاریخ پیدائش میں 1،5 اور6 خصوصاً 5 کا عدد یا پیدائش کا دن بدھ ہے یا نام کا پہلا حرف ہ،ن یا ث ہے تو آپ کے لیے اہم اور کچھ مشکل بھی ہوسکتا ہے۔ آج کا صدقہ: کسی کی غلطی معاف کرنا بھی صدقہ ہے۔ 20 یا 200 روپے، سفید رنگ کی چیزیں، کپڑا، دودھ، دہی، چینی یا سوجی کسی بیوہ یا غریب خاتون کو بطورِصدقہ دینا ایک بہتر عمل ہوگا۔آج کا وردِ خاص ’’یارحیم، یارحمٰن، یااللّہ‘‘ 11 بار، اول وآخر ایک بار درودشریف پڑھنا بہتر ہوگا۔ اسے کم از کم 11 بار لکھیں پھر اثرات ملاحظہ کیجیے!

منگل 29 اکتوبر 2024

آج کا حاکم عدد 2 ہے۔ 29 کا عدد الگ ہونے یا کرنے کا عدد کہا جاتا ہے۔ اس کی بنیادی وجہ 2 یعنی چاند اور 9 یعنی مریخ کا ایک ساتھ ہونا ہے۔ دونوں مخالف مزاج کے حامل ہیں۔ جذبات کے ساتھ غصہ آسکتا ہے، یقیناً یہ ایک احتیاط طلب دن ہے، خود پر قابو رکھنے کا دن ہے۔ اگر آپ کی تاریخ پیدائش میں 1،3،4،5،8 اور9 خصوصاً 4 کا عدد ہے یا آپ کی پیدائش کا دن اتوار ہے یا نام کا پہلا حرف ت،د اور م ہے تو آپ کے لیے آج کا دن کافی حد تک بہتری لائے گا۔ لیکن اگر آپ کی تاریخ پیدائش میں 2،6 اور7 خصوصاً 2 یا پیدائش کا دن پیر ہے یا نام کا پہلا حرف ب، ک یا ر ہے تو آپ کے لئے کچھ مشکل ہوسکتی ہے۔ آج کا صدقہ: صبروتحمل کو مضبوطی سے تھامیں۔ آپ کی آزمائش کا دن ہے۔ غصہ پی جائیں، یہ بہترین صدقہ اور تدبیر ہے۔ 90 یا 900 روپے، سرخ رنگ کی چیزیں ٹماٹر، کپڑا، گوشت یا سبزی کسی معذور سیکیوریٹی سے منسلک فرد یا اس کی فیملی کو دینا بہتر عمل ہوگا۔ آج کا وردِخاص،’’یاغفار،یاستار، استغفراللّہ العظیم‘‘ 13 بار اول وآخر1 بار درودشریف پڑھنا بہتر ہوگا۔ اسے 13 بار لکھنے سے نتائج سوفی صد آپ کے حق میں ہوں گے۔

بدھ 30 اکتوبر 2024

آج کا حاکم عدد 8 ہے۔  8 کا عدد صبر اور مستقل مزاجی سے کام کرنے کا تقاضا کرتا ہے جب کہ بدھ کا دن تیزی طراری لاتا ہے۔ یہاں توازن لانا ایک مشکل کام ہوسکتا ہے۔ ذہنی طور پر الجھاؤ ہوسکتا ہے۔ کوشش کریں کہ صبروسکون سے کام لے سکیں، یہی بہتر حل ہے۔ 2،3،4،6،7 اور8 خصوصاً 7 کا عدد یا پیدائش کا دن پیر ہے یا نام کا پہلا حرف ز،ع اور ذ ہے تو آپ کے لیے آج دن کافی بہتر ہوسکتا ہے۔ لیکن اگر آپ کی تاریخ پیدائش میں 1،5 اور9 خصوصاً 9 یا پیدائش کا دن منگل یا نام کا پہلا حرف ص،ط یا ظ ہے تو کچھ معاملات میں رکاوٹ اور پریشانی کا اندیشہ ہے۔

آج کا صدقہ: ہوسکتا ہے کوئی آپ سے اپنی غلطی پر معذرت خواہ ہو۔ ایسا ہو تو درگزر سے کام لینا بھی صدقہ ہے۔ زردرنگ کی چیزیں یا 50 یا 500 روپے کسی مستحق طالب علم یا تیسری جنس کو دینا بہتر ہے، تایا، چچا، پھوپھی کی خدمت بھی صدقہ ہے۔ آج کا وردِخاص،’’یاخبیرُ، یاوکیلُ، یااللّہ۔‘‘ 5 بار اول و آخر 1 بار درودشریف پڑھنا مناسب عمل ہوگا۔ ان اسمائے الٰہیہ کو 5 بار لکھنا آپ کے لیے سعادتوں کے دروازے سو فی صد کھول دے گا۔

جمعرات 31 اکتوبر 2024

آج کا حاکم عدد7 ہے۔ خالصتاً روحانی دن اور عدد جو کہ استاد یا مرشد سے رابطے اور راہ نمائی کے لیے بہتر دن ہے۔ دعا اور صدقے سے ایسے کام بھی ہوسکتے ہیں جو بظاہر ناممکن نظر آرہے ہیں۔ اگر آپ کی تاریخ پیدائش میں 3،4،5،7،8اور9 خصوصاً 8 کا عدد یا پیدائش کا دن ہفتہ ہے یا نام کا پہلا حرف ح،ف یا ض ہے تو آپ کے لیے بہتر دن ہے۔ لیکن اگر آپ کی تاریخ پیدائش میں 1،2 اور6 خصوصاً 6 کا عدد یا پیدائش کا دن جمعہ ہے یا نام کا پہلا حرف و،س یا خ ہے تو اندیشہ ہے کہ کچھ امور میں آپ کو مشکل ہوسکتی ہے۔ آج کا صدقہ: میٹھی چیز، 30 یا 300 روپے کسی مستحق نیک شخص کو دینا بہتر عمل ہوسکتا ہے۔ مسجد کے پیش امام کی خدمت بھی احسن صدقہ ہے۔ آج کا وردِخاص،’’سورۂ فاتحہ کی تین بار تلاوت یا ’’یاقدوس، یاوھابُ، یااللّہ‘‘ 3 بار اول و آخر 1 بار درودشریف پڑھنا بہتر عمل ہوگا۔ اللّہ ان پاک ناموں کو تین بار لکھیں!

جمعہ یکم نومبر 2024

آج کا حاکم عدد 8 ہے۔مذہبی شخصیات اور مقامات شرپسندوں کا نشانہ ہوسکتے ہیں۔ کسی مذہبی شخصیت کے ساتھ کچھ غیرمتوقع مسائل ہوسکتے ہیں۔ اپنے کاموں میں مایوسی کی جگہ مستقل مزاجی اور صبر کو استعمال کریں۔اگر آپ کی تاریخ پیدائش میں 2،3،4،6،7اور8 خصوصاً 7 کا عدد یا پیدائش کا دن پیر ہے یا نام کا پہلا حرف ز،ع یا ذ ہے تو آپ کے لئے بہتری کی امید ہے۔لیکن اگر آپ کی تاریخ پیدائش میں 1،5 اور9 کا عدد خصوصاً 5 یا پیدائشی دن بدھ ہے یا جن کے نام کا پہلا حرف ہ،ن یا ث ہے تو آپ کو محتاط رہنے کا مشورہ ہے۔

آج کا صدقہ: کسی سے میٹھے بول اور نرم لہجہ بھی صدقہ ہے۔ 60 یا 600 روپے یا 600 گرام یا 6 کلو چینی، سوجی یا کوئی جنس کسی بیوہ کو دینا بہترین عمل ہوسکتا ہے۔ آج کا وردِخاص، سورۂ کہف ایک بار اور ’’یاودود، یامعید، یااللّہ‘‘ 11 بار ورد کرنا بہتر ہوگا۔ اول و آخر ایک بار درودشریف لازمی پڑھ لیں۔ ان اسمائے الہی کو تین بار لکھیں!

ہفتہ 2 نومبر 2024

آج کا حاکم عدد 2 ہے۔ مادی امور کے لیے ملازمت، کام اور صحت سے متعلق کاموں میں بڑی کام یابی مل سکتی ہے۔ خصوصاً زمین سے متعلق اگر کسی کام سے وابستہ ہیں تو کام یابی قدم چوم سکتی ہے۔ اگر آپ کی تاریخ پیدائش میں 1،3،4،5،8 اور9 خصوصاً 4 کا عدد یا پیدائشی دن اتوار یا نام کا پہلا حرف ت،د اور م ہے تو آپ کے لیے ایک اچھا دن ہوسکتا ہے۔ لیکن اگر آپ کی تاریخ پیدائش میں 2،6 اور7 خصوصاً 2کا عدد یا پیدائشی دن پیر یا نام کا پہلا حرف ب،ک یا ر ہے تو آپ کو محتاط رہنے کا مشورہ ہے۔آج کا صدقہ: صبر اور خاموشی بہترین تدبیر ہے۔ لمبے عرصے کی منصوبہ بندی کے لیے سازگار وقت ہے۔  80 یا 800 روپے یا کالے رنگ کی چیزیں کالے چنے، کالے رنگ کے کپڑے، سرسوں کے تیل کے پراٹھے کسی معذور یا عمررسیدہ مستحق فرد کو دینا بہتر عمل ہوسکتا ہے۔ آج کا وردِخاص، کمی رزق کی ہو، سکون کی ہو یا راحتوں کی ہو، اس وردخاص کو اپنالیں۔ ان شاء اللّہ بند دروزاے کھل جائیں گے۔ ’’یا فتاح، یاوھابُ، یارزاق، یااللّہ‘‘ 8 بار اول و آخر 1 بار درودشریف کا ورد بہتر عمل ہوگا تین لکھنا اس کے فوائد کو کئی گنا بڑھادے گا۔

اتوار 3 نومبر 2024

آج کا حاکم عدد 5 ہے۔ بڑی شخصیت کو سفر کرنا پڑسکتا ہے کسی بڑی شخصیت کا اسکینڈل سامنے آسکتا ہے۔ اس شخصیت کا تعلق ایوانِ اقتدار سے ہوسکتا ہے اور کسی کا شہرہ بھی ہوسکتا ہے۔ کسی قیدی کی رہائی کا سامان بھی ہوسکتا ہے۔ اگر آپ کی تاریخ پیدائش میں 1،2،5،6،7 اور9 خصوصاً 1 کا عدد یا جن کا پیدائشی دن اتوار ہے یا نام کا پہلا ا،ی یا غ ہے تو آپ کے لئے ایک اچھے دن کی امید ہے۔ لیکن اگر آپ کی تاریخ پیدائش میں 3،4 اور8 خصوصاً 3 عدد یا جن کا پیدائشی دن جمعرات ہے یا نام کا پہلا حرف ج،ل یا ش ہے تو آپ کے لیے کچھ مشکل ہوسکتی ہے۔آج کا صدقہ: 13 یا 100 روپے یا سنہری رنگ کی چیزیں گندم، پھل، کپڑے، کتابیں یا کسی باپ کی عمر کے فرد کی خدمت کرنا بہتر ہوگا۔آج کا وردِخاص،’’یاحی، یاقیوم، یااللّہ‘‘ 13 اول و آخر 1بار درودشریف پڑھنا مناسب عمل ہوگا، اسے 13 بار لکھنا بہتر ہوگا۔