سلمان خان کو قتل کی دھمکی دیکر تاوان مانگنے والا ملزم گرفتار
ملزم کی جانب سے ممبئی ٹریفک پولیس کو دھمکی آمیز پیغامات دے کر تاوان کا مطالبہ کیا گیا تھا
فوٹو : فائل
ممبئی پولیس نے بالی ووڈ اسٹار سلمان خان کو قتل کی دھمکی دینے والے ایک اور ملزم کو گرفتار کرلیا۔
گزشتہ دنوں ممبئی ٹریفک پولیس کو واٹس ایپ پر دھمکی آمیز پیغامات موصول ہوئے تھے جس میں سلمان خان سے 2 کروڑ تاوانکا مطالبہ کیا گیا تھا اور دھمکی دی گئی تھی کہ اگر تاوان ادا نہ کیا تو اداکار کو قتل کردیں گے۔
تاہم ممبئی پولیس نے فوری ایکشن لیتے ہوئے اس ملزم کو گرفتار کرلیا ہے جس کی شناخت عظم محمد مصطفیٰ کے نام سے ہوئی ہے جو باندرا کا رہائشی ہے۔