خیبرپختونخوا میں بھابھی کو قتل کرنے والے ملزم کو 25 سال قید اور 10 لاکھ جرمانے کی سزا
چائلڈ پروٹیکشن کورٹ پشاور نے ملزم کو اعتراف کے بعد سزا سنائی، واقعہ 2019 میں پیش آیا تھا
PESHAWAR:
خیبرپختونخوا میں بھابھی کو قتل کرنے والے کم عمر ملزم کو عدالت نے 25 سال قید اور دس لاکھ روپے جرمانے کی سزا سنادی۔
پشاور کی چائلڈ پروٹیکشن عدالت میں 9 جنوری 2019 کو تھانہ متنی میں قتل ہونے والی خاتون کے مقدمے کی سماعت ہوئی۔
استغاثہ نے عدالت میں بتایا کہ ملزم سیف الرحمان نے زبانی تکرار پر اپنی بھابھی کو قتل کردیا تھا اور پھر گرفتاری کے بعد دوران تفتیش اپنے جرم کا اعتراف بھی کیا۔
چائلڈ پروٹیکشن کورٹ پشاور کے جج محمد حنیف نے ملزم کے اعتراف کے بعد اُسے 25 سال قید جبکہ دس لاکھ روپے جرمانے کی سزا سنائی۔ واقعے کا مقدمہ خاتون کے اہل خانہ کی مدعیت میں درج تھا۔