انسداد دہشت گردی کی عدالت نے پولیس کو بغاوت پر اکسانے کے الزام میں سوشل میڈیا پر پوسٹنگ کرنے والے پولیس اہلکار کی ضمانت منسوخ کردی۔
ایکسپریس نیوز کے مطابق انسداد دہشت گردی کی خصوصی عدالت میں پولیس کو بغاوت پر اکسانے کے الزام میں گرفتار سابق پولیس اہلکار کی ضمانت درخواست پر سماعت ہوئی۔ سماعت اے ٹی سی جج محمد اقبال خان کے روبرو ہوئی۔
پبلک پراسیکیوٹر نے کہا کہ ملزم جمشید نے سوشل میڈیا پر ریاستی اداروں کے خلاف اشتعال انگیز مواد شیئر کیے، ملزم نے سوشل میڈیا پر پولیس کو بغاوت پر اکسانے کی کوشش کی۔
عدالت نے فریقین کے دلائل سننے کے بعد ملزم کی ضمانت درخواست خارج کردی۔