مستونگ بم دھماکے کا مقدمہ سی ٹی ڈی تھانہ کوئٹہ میں ایس ایچ او سٹی عبدالفتاح کی مدعیت میں سی ٹی ڈی میں درج کرلیا گیا جس میں نامعلوم دہشت گردوں کو نامزد کیا گیا ہے۔
ایکسپریس نیوز کے مطابق مقدمے میں دہشت گردی کی دفعات شامل ہیں، مقدمے میں بتایا گیا ہے کہ مستونگ میں ہونے والے دھماکے میں 9 افراد شہید اور 22 زخمی ہوئے، دھماکے شہید اور زخمی زیادہ تر اسکول کے بچے ہوئے۔
دھماکا اسکول کے قریب پولیو ٹیم کی سیکیورٹی کے لیے موجود پولیس وین پر ہوا تھا، مقدمہ انسدادِ دہشت گردی اقدام قتل اور ایکسپلوزیو ایکٹ کے تحت درج کیا گیا۔ پولیس کے مطابق دھماکے میں 7 سے 8 کلو دھماکہ خیز مواد اور بال بیرنگ کا استعمال کیا گیا