جنوبی وزیرستان میں سیکیورٹی فورسز کی کارروائی میں 4 خوارجی ہلاک

سیکورٹی فورسز نے جنوبی وزیرستان کے علاقے سروکئی میں کارروائی کے دوران چار خوارجی دہشت گردوں کو ہلاک کردیا۔

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان میں سیکیورٹی فورسز نے خوارجی دہشت گردوں کی اطلاع کی موجودگی پر آپریشن کیا۔

آئی ایس پی آر کے مطابق فائرنگ کے شدید تبادلے میں چار خوارجی دہشت گرد جہنم واصل ہوئے۔

ترجمان پاک فوج کے بعد خوارجیوں کے علاقہ سے مکمل صفائی کیلیے سیکیورٹی فورسز کا آپریشن جاری ہے اور پاک فوج وطن عزیز کو دہشت گردی سے مکمل پاک کرنے کا عزم رکھتی ہے۔

دوسری جانب وفاقی وزیرداخلہ محسن نقوی نے جنوبی وزیرستان کے علاقے سروکئی میں خوارجی دہشتگردوں کے خلاف کامیاب آپریشنز پر سکیورٹی فورسز کو خراج تحسین پیش کرتے ہوئے خوارجی دہشت گردوں کو ہلاک کرنے پر انہیں شاباش دی۔

وزیر داخلہ نے کہا کہ سکیورٹی فورسز نے کامیاب کارروائی کرکے خوارجی دہشتگردوں کے ناپاک عزائم کو ناکام بنایا، خوارجی دہشتگردوں کے خلاف آپریشنز میں سکیورٹی فورسز کی  کامیابیاں لائق تحسین ہیں۔

انہوں نے کہا کہ قوم کو سکیورٹی فورسز پر فخر ہے، خوارجی دہشتگردوں کے مکمل خاتمے کے لئے قوم یکسو ہے اور سکیورٹی فورسز کے ساتھ کھڑی ہے۔