نائب امیرجماعت اسلامی لیاقت بلوچ کا کہنا ہے کہ ملک میں سیاسی کشمکش بحران پیدا کررہی ہے۔
جماعت اسلامی کے نائب امیر لیاقت بلوچ نے بیان میں کہا میاں نواز شریف نے پی آئی اے کی خریداری کے لیے پنجاب حکومت کا عندیہ ظاہرکیا۔ حکومت پنجاب سے پرائمری اسکول نہیں چل رہے جہاز کیا چلائے گی۔ حکومت پنجاب بے بس ہو کر تعلیمی اداروں کی نجکاری کررہی ہے۔
لیاقت بلوچ کا مزید کہنا تھا کہ صوبائی حکومت بلدیات، تعلیم اور صحت کے شعبوں میں ناکام ہوگئی ہے۔ صوبائی حکومتیں 18 ویں ترمیم کے بعد اپنی ذمہ داریاں ادا کرنے میں ناکام رہی ہیں۔ ملک میں سیاسی کشمکش نیا بحران پیدا کررہی ہے۔