پی آئی اے نے فضائی بیڑے میں شامل اہم طیاروں پر دفاعی نمائش آئیڈیاز کا لوگو پینٹ کروا دیا۔
اسلحے کی نمائش آئیڈیاز کا 12 واں ایڈیشن 19 تا 22 نومبر کے درمیان ایکسپو سینٹر کراچی میں ہوگا۔
ذرائع کے مطابق قومی ائیرلائن انتظامیہ نے فضائی بیڑے میں ڈومیسٹک اور انٹرنیشنل فضائی آپریشن کے حامل بوئنگ 777 اور ائیر بس 320 کے 4 جہازوں کی باڈی پر لوگو پینٹ کروائے دیے۔
نیرو باڈی اور وائیڈ باڈی طیارے ملکی و بین الاقوامی فضائی روٹس پر استعمال کیے جاتے ہیں،12 ویں آئیڈیاز نمائش میں دنیا بھر سے 45 سے زائد ممالک اپنے سامان حرب اور مندوبین و مبصرین کے ہمراہ شریک ہوتے ہیں،کئی ممالک کے فوجی سربراہان بھی دفاعی نمائش میں خصوصی طور پر شریک ہوتے ہیں۔