اسٹاک ایکسچینج میں ریکارڈ ساز تیزی، انڈیکس 92 ہزار کی سطح عبور کرگیا
کاروباری ہفتے کے پہلے ہی روز کے ایس ای 100 انڈیکس میں 1202 پوائنٹس کی بڑی تیزی ریکارڈ ہوئی
(فوٹو: فائل)
کراچی:
پاکستان اسٹاک ایکسچینج میں زبردست تیزی کا رجحان ہے، جس کے نتیجے میں انڈیکس نئی بلند ترین سطح پر پہنچ گیا۔
کاروباری ہفتے کے پہلے ہی دن بازارِ حصص میں مارکیٹ کا آغاز 854 پوائنٹس کی بڑی تیزی کے ساتھ ہوا جب کے ایس ای 100 انڈیکس 91 ہزار پوائنٹس کی نفسیاتی سطح عبور کرکے 91814 پوائنٹس کی سطح پر پہنچ گیا۔
بعد ازاں پی ایس ایکس میں تیزی کا سلسلہ جاری رہا اور مجموعی طور پر 1202 پوائنٹس کی ریکارڈ ساز تیزی کے ساتھ کے ایس ای 100 انڈیکس بڑھ کر 91000 اور 92000 پوائنٹس کی 2 نفسیاتی سطحیں عبور کرکے 92062 پوائنٹس کی نئی بلند ترین سطح پر پہنچ گیا۔