لاہور:
جنوبی چھاؤنی کے علاقے سے 13 سالہ بچہ ابراہیم اغوا ہوگیا، پولیس نے مقدمہ درج کرکے ملزمان کی تلاش شروع کردی۔
ایکسپریس نیوز کے مطابق جنوبی چھاؤنی پولیس فوری طور پر جائے وقوع پر پہنچی اور شواہد جمع کیے، ملزم کو سی سی ٹی وی کیمروں اور دیگر ذرائع کی مدد سے گردونواح میں ٹریس کیا جا رہا ہے۔
ایس پی کینٹ اویس شفیق کے مطابق متاثرہ بچے کے والد علی رضا قادری کی مدعیت میں نامعلوم ملزم کے خلاف فوری مقدمہ درج کرلیا گیا ہے، بچے کو جلد باز یاب کروالیا جائے گا۔
ایس پی کینٹ نے اے ایس پی ڈیفنس کو فوری طور پر ملزم کو ٹریس کر کے گرفتار کرنے کی ہدایت کی۔