سندھ ہائیکورٹ بار ایسوسی ایشن کے سالانہ انتخابات 23 نومبر کو منعقد ہوں گے، شیڈول جاری
انتخابات کے لیے کاغذات نامزدگی 5 نومبر کو جاری کیے جائیں گے جبکہ کاغذات نامزدگی جمع کرانے کی آخری تاریخ 14 نومبر ہے
(فوٹو: فائل)
کراچی:
سندھ ہائیکورٹ بار ایسوسی ایشن کے انتخابات 23 نومبر کو منعقد ہوں گے، سالانہ انتخابات کا شیڈول جاری کردیا گیا۔
ہائیکورٹ بار ایسوسی ایشن کے سالانہ انتخابات کے لیے کاغذات نامزدگی 5 نومبر کو جاری کیے جائیں گے جبکہ سالانہ انتخابات کی حتمی ووٹر لسٹ 7 نومبر کو جاری کی جائے گی، کاغذات نامزدگی جمع کرانے کی آخری تاریخ 14 نومبر ہے اور کاغذات نامزدگی کی اسکروٹنی 16 نومبر کو ہوگی۔
کاغذات نامزدگی واپس لینے کی آخری تاریخ 18 نومبر ہے اور ہائیکورٹ بار ایسوسی ایشن کے سالانہ انتخابات 23 نومبر کو منعقد ہوں گے جس کے لیے پولنگ کا عمل صبح 9 بجے سے شام 5 بجے تک بغیر کسی وقفہ کے جاری رہے گا۔