پاکستان کوسٹ گارڈز نے گوادر میں کارروائی کرتے ہوئے 21 ملین ڈالر سے زائد مالیت کی منشیات برآمد کر لی۔
ترجمان کوسٹ گارڈز کے مطابق انٹیلی جنس ذرائع کی بنیاد پر بلوچستان کے علاقے گوادر میں کمب کے قریب کارروائی کرتے ہوئےجھاڑیوں کے درمیان چھپائی گئی 1292 کلو گرام اعلیٰ کوالٹی کی چرس برآمد کر لی گئی۔
ترجمان کوسٹ گارڈ کے مطابق خدشہ ہےکہ یہ منشیات اندرون یا بیرون ملک اسمگل ہونا تھی، پکڑی جانے والی منشیات کی عالمی مارکیٹ میں مالیت 21.6 ملین ڈالر کے لگ بھگ ہے۔
واضح رہےکہ پاکستان کوسٹ گارڈز ہر طرح کی منشیات اور اسمگلنگ کی روک تھام کی کوشش کرتے ہوئےملکی معیشت کو مستحکم کرنے میں اپنا کردار ادا کرتی رہےگی۔