ابھیشیک بچن کی نئی فلم ’آئی وانٹ ٹو ٹاک‘ کا ٹریلر جاری

فلم کے ٹریلر میں دیکھا جاسکتا ہے کہ ابھیشیک مختلف روپ میں دکھائی دے رہیں جس کو دیکھ کر مداح بھی حیران ہیں ابھشیک اس فلم میں موٹے دکھائی دے رہے ہیں جو انتہائی سادہ آدمی کا کردار کر رہے ہیں جو کسی بیماری میں بھی مبتلا ہے۔

سوشل میڈیا صارفین کا کہنا ہے کہ ابھیشیک اس فلم میں اپنی عمر سے زیادہ بڑے نظر آرہے ہیں جبکہ کئی صارفین نے فلم کو ریلیز سے قبل ٹریلر دیکھ کر ہی فلاپ قرار دے دیا ہے۔

ابھیشیک بچن کا کردار ایک ایسے شخص کا ہے جو 'بات کرنے کے لیے جیتا ہے' زندگی کی مشکلات کو غیر متزلزل اور مثبت نقطہ نظر کے ساتھ قبول کرتا ہے۔ یہ ایک ایسے شخص کی کہانی ہے جو ہمیشہ زندگی کے روشن پہلو کو دیکھتا ہے، چاہے زندگی میں جتنے بھی چیلنجز ہوں۔

واضح رہے کہ ابھیشیک بچن کی یہ فلم 22 نومبررکو سنیما گھروں کی زینت بنے گی۔