کراچی: جوہرآباد پولیس کے ہاتھوں فیڈرل بی ایریا بلاک 14 سے مبینہ مقابلے کے بعد زخمی حالت میں گرفتار 2 ڈاکوؤں میں سے ایک دوران علاج زخموں کی بات نہ لاتے ہوئے دم توڑ گیا ۔
تفصیلات کے مطابق جوہرآباد پولیس کے ہاتھوں نصیرآباد فیڈرل بی ایریا بلاک 14 شارع پاکستان سے بدھ کی شب مبینہ مقابلے کے بعد زخمی حالت میں گرفتار 2 ڈاکوؤں میں سے ایک بدھ اور جمعرات کی درمیانی شب عباسی شہید اسپتال میں دوران علاج دم توڑ گیا۔
ترجمان کراچی پویس کے مطابق ، ہلاک ہونے والے ڈاکو کی شناخت 20 سالہ یاسین ولد ستار کے نام سے کی گئی جبکہ دوسرا زخمی حالت میں گرفتار ملزم 21 سالہ الامین ولد عبدالستار کی حالت بھی تشویشناک بتائی جاتی ہے۔
واضح رہے گرفتار ملزمان سے ایک پستول بمعہ گولیاں ، موبائل فونز ، نقد رقم اور موٹرسائیکل برآمد کی گئی تھی۔