عمران خان اور بشریٰ بی بی پر توشہ خانہ ٹو کیس میں بھی فرد جرم عائد نہیں ہو سکی
ملزمان کی بریت کی درخواست پر فریقین کے دلائل مکمل، عدالت نے فیصلہ محفوظ کرلیا
راولپنڈی:
عمران خان اور بشریٰ بی بی کے خلاف توشہ خانہ ٹو کیس میں بھی فرد جرم عائد نہیں ہو سکی۔
توشہ خانہ ٹو کیس کی سماعت اڈیالہ جیل میں ہوئی، جہاں اسپیشل جج سینٹرل شاہ رخ ارجمند کے روبرو سماعت کے دوران آج بانی چیئرمین پی ٹی آئی عمران خان اور ان کی اہلیہ بشریٰ بی بی پر فرد جرم عائد کیے جانے کا امکان تھا۔
اڈیالہ جیل میں ہونے والی سماعت کے دوران ملزمان کی درخواست بریت پر فریقین کے دلائل مکمل ہو گئے، بعد ازاں عدالت نے ملزمان کی درخواست بریت پر فیصلہ محفوظ کر لیا، جو منگل 12نومبر کو سنایا جائے گا ۔
سماعت کے دوران ملزمان پر فرد جرم عائد نہیں ہو سکی ۔
یاد رہے کہ سانحہ 9 مئی جی ایچ کیو حملہ کیس میں بھی سابق وزیراعظم عمران خان سمیت دیگر ملزمان کے خلاف فرد جرم ایک مرتبہ پھر ٹل گئی۔