کراچی میں پی ٹی آئی رہنماؤں کے خلاف سرکار کی مدعیت میں سنگین دفعات کے تحت مقدمہ درج
کار سرکار میں مداخلت کا مقدمہ سہراب گوٹھ تھانے میں درج، کراچی کے صدر سمیت 12 عہدیداران نامزد
(فوٹو: فائل)
تحریک انصاف کی جانب سے ریلی نکالنے پر کار سرکار میں مداخلت کے تحت پی ٹی آئی رہنماؤں کے خلاف مقدمہ سہراب گوٹھ تھانے میں درج کرلیا گیا ہے۔
تفصیلات کے مطابق پی ٹی آئی کراچی ریجن کی جانب سے صوابی جلسے میں شرکت کیلئے جانے والے قافلے کے خلاف پولیس نے کریک ڈاؤن کرتے ہوئے تحریک انصاف کراچی کے صدر راجہ اظہر اور جنرل سیکریٹری ارسلان خالد سمیت دیگر کارکنوں کو گرفتار کرلیا۔
جس کے بعد تحریک انصاف کراچی کے صدر سمیت 12 سے زائد عہدیداروں کے خلاف سرکار کی مدعیت میں کار سرکار میں مداخلت سمیت دیگر سنگین دفعات کے تحت مقدمہ درج کرلیا گیا۔