بھارتی اسپورٹس صحافی وکرانت گُپتا کا کہنا ہے کہ انڈین میڈیا کے ذریعے خبر دینے کا مقصد یہ تھا کہ پاکستان کو ذہنی طور پر تیار کردیا گیا ہے کہ بھارتی ٹیم پاکستان نہیں جارہی ہے۔
نجی ٹی وی چینل سے گفتگو کرتے ہوئے بھارت کے نامور اسپورٹس صحافی وکرانت گپتا نے کہا کہ پاکستان اور بھارت درمیان میڈیا کے ذریعے ہی لڑائی لڑی جارہی تھی۔اگر سمجھ رہے ہیں کہ آج منع کیا گیا ہے تو وہ غلط ہے، کسی بھی اسٹیج پر ایسا نہیں لگتا تھا کہ انڈیا جائے گا کیوں کہ یہ بات بی سی سی آئی کے ہاتھ میں نہیں تھی۔
انہوں نے کہا کہ آئی سی سی ٹورنامنٹ جس ملک میں ہوتا ہے وہا ں پر سب جاتے ہیں مگر بھارت اور پاکستان کے حالات تھوڑے مختلف تھے ۔شاید آفیشلی آگاہ نہیں کیا گیا ہے ایسا نہیں ہے کہ پاکستان کرکٹ بورڈ کوآفیشلی آج آگاہ کیا گیا ہے۔
مزید پڑھیں: چیمپئنز ٹرافی کیلیے بھارتی ٹیم پاکستان نہیں جائیگی، انڈین میڈیا کا دعویٰ
اس موقع پر سابق کپتان راشد لطیف نے کہا کہ پاکستان میں اگر سیکورٹی کا بہانہ بنائیں گے تو ٹھوس حقائق نہیں ہیں، اگر آسٹریلیا، نیوزی لینڈ، جنوبی افریقہ اور انگلینڈ پاکستان کھیلنے آرہی ہیں تو انہیں ایسا کچھ ثبوت دینا پڑے گا جس سے ایونٹ ہائبرڈ ہو یا پاکستان سے باہر۔
مزید پڑھیں: چیمپئینز ٹرافی؛ آئی سی سی نے بھارت کو ڈیڈ لائن دیدی
دوسری جانب چیمپئینز ٹرافی سے متعلق گزشتہ روز میڈیا پر خبریں سامنے آئیں تھی کہ بھارتی کرکٹ ٹیم ایونٹ کیلئے بھارت نہیں آئے گی جبکہ میچز نیوٹرل وینیو پر کھیلنے کو تیار ہے۔
مزید پڑھیں: بھارت نے اپنی ٹیم بھیجنے سے انکار کیا تو ہم سے بھی اچھی امید نہ رکھے، چیئرمین پی سی بی
دوسری جانب پاکستان کرکٹ بورڈ (پی سی بی) کے چیئرمین محسن نقوی نے قذافی اسٹیڈیم لاہور کے دورے کے موقع پر میڈیا سے گفتگو کرتے ہوئے کہا کہ بھارتی کرکٹ بورڈ نے تحریری طور پر آگاہ نہیں کیا۔
محسن نقوی کا یہ بھی کہنا تھا کہ بھارتی کرکٹ بورڈ کا کوئی خط نہیں ملا، اگر نہ آنے کا تحریری پر طور پر بتایا گیا تو حکومت کے پاس جاؤں گا، ہم چیمپئنز ٹرافی کیلئے اپنی تیاریاں جاری رکھیں گے۔