گلگت بلتستان کے علاقے گوپس میں پاک فوج اور ایس سی او کی جانب سے فری لانسنگ ہب کا قیام عمل میں لایا گیا۔
پاک فوج کی جانب سے گلگت بلتستان، غذر کے عوام کے لیے ایک نایاب تحفہ پیش کیا گیا۔ ایس سی او کی جانب سے گورنمنٹ بوائز ہائی اسکول گوپس میں فری لانسنگ ہب قائم کیا گیا۔
اسکول کے پرنسپل عمر جان نے پاک فوج کے احسن اقدام کو سراہتے ہوئے کہا کہ نوجوانوں کی ضروریات کو مد نظر رکھتے ہوئے ایک بہترین فری لانسنگ ہب بنایا گیا، گوپس میں پہلی بار ایک ایسا فری لانسنگ ہب قائم ہوا ہے، جہاں بچے آن لائن بزنس، فری لانسنگ اور ڈیجیٹل مارکیٹنگ سیکھیں گے۔
پرنسپل نے کہا کہ ایسے فری لانسنگ ہبز وقت کی اہم ضرورت ہیں، اس ہب کے ذریعے نوجوانوں کے لیے روزگار کے مواقع قائم ہوں گے، اسکول کے بچوں کو بہت کچھ سیکھنے کو ملے گا، ہم پاک فوج اور ایس سی او کے شکر گزار ہیں۔