بھارتی گلوکار دلجیت دوسانج کی شیخ زید مسجد کے دورے کی ویڈیو سوشل میڈیا پر وائرل ہوگئی۔
مشہور گلوکار و اداکار دلجیت دوسانج کینیڈا، امریکا، آسٹریلیا اور نیوزی لینڈ میں ریکارڈ توڑ شوز کے بعد اب ابوظبی میں کنسرٹ کرنے پہنچے ہیں۔
اپنے کنسرٹ سے پہلے دلجیت نے فن تعمیر کا شاہکار شیخ زید گرینڈ مسجد کا دورہ کیا جس کی ویڈیو انہوں نے اپنے انسٹاگرام اکاؤنٹ پر شیئر کی ہے۔
دلجیت دوسانج سیاہ رنگ کا تھوب اور سر پر کیفیہ پہن کر شیخ زید گرینڈ جامع مسجد کے مختلف حصوں کا معائنہ کررہے ہیں۔
ویڈیو میں مداحوں کو دلجیت دوسانج کے ساتھ تصویریں بناتے ہوئے بھی دیکھا جا سکتا ہے۔