ماضی کے مقبول سُپر ہیرو ’شکتنی مان‘ نے اپنی واپسی کا عندیہ دے دیا۔
90 کی دہائی میں مشہور سپر ہیرو شکتی مان کا کردار ادا کرنے والے ورسٹائل اداکار مکیش کھنہ نے شکتی مان کی واپسی کا عندیہ دے دیا۔
اس حوالے سے اداکار مکیش کھنہ نے انسٹاگرام پر شکتی مان کی تصویر شیئر کی ہے جس میں ’جلد آرہا ہے‘ کا کیپشن بھی دیا گیا ہے۔
مکیش کھنہ نے پوسٹ میں لکھا کہ ’یہ اس کے واپس آنے کا وقت ہے بھارت کا پہلا سُپر ہیرو‘۔
اداکار نے شکتی مان کا ٹیزر بھی جاری کیا ہے جس میں ایک ڈرے سہمے بچے کو دکھایا گیا ہے، ٹیزر میں دکھایا گیا ہے کہ شکتی مان ہوا میں چکر لگا رہا ہے اور ایک اسکول میں اتر رہا ہے۔
یاد رہے کہ ماضی میں شکتی مان کو ایک ایسے سپر ہیرو کے طور پر پیش کیا گیا تھا جو برائی کے خلاف لڑنے کی طاقت اور روحانی صلاحیتیں رکھتا ہے
ماضی میں یہ کردار بچوں اور بڑوں میں یکساں مقبول تھا شکتی مان مجرموں کا پیچھا کرتے ہوئے انہیں پکڑتا اور سبق سکھاتا تھا۔
خیار رہے کہ پچھلے کچھ عرصے میں شکتی مان پر مبنی فلم بنانے کا اعلان بھی کیا گیا تھا تاہم اس پر کوئی پیشرفت سامنے نہیں آئی تھی جس سے شائقین مایوس ہوئے تھے تاہم اب دوبارہ اس سیریز کے مداح مکیش کھنہ کی پوسٹ پر خوشی کا اظہار کر رہے ہیں۔
شکتی مان کی مقبولیت کا یہ عالم ہے کہ آج بھی کسی طاقتور شخصیت کو دیکھ کر اسے ’شکتی مان‘ کہا جاتا ہے۔