فلم ’سکندر کا مقدر‘ کے ٹریلر لانچ پر تمنا بھاٹیہ نے سب کے دل جیت لیے

ممبئی کے فائیو اسٹار ہوٹل میں نیٹ فلکس کی فلم ’سکندر کا مقدر‘ کے ٹریلر لانچ میں تمنا بھاٹیہ، جمی شیرگل، اویناش تیواری، اور راجیومہتا سمیت ہدایتکار نیراج پانڈے اور پروڈیوسر رچیکا کپور شیخ نے شرکت کی۔ تقریب کا آغاز اویناش اور جمی کے ایک ڈرامائی منظر سے ہوا، جس کے بعد فلم کا دلچسپ ٹریلر دکھایا گیا۔

تمنا بھاٹیہ اپنی خوبصورت لباس اور دلچسپ باتوں کی وجہ سے اس تقریب کی جان بن گئیں۔ عموماً گلیمرس کرداروں میں نظر آنے والی تمنا نے اس فلم میں سادہ اور غیر گلیمرس روپ اپنایا ہے۔ 

انہوں نے اس بارے میں کہا، "میں نے ہمیشہ مختلف کردار ادا کیے ہیں، لیکن زیادہ تر جنوبی فلموں میں۔ اس بار نیراج سر نے مجھے بلایا اور کہا کہ تم پر دل چرانے کا الزام ہوتا ہے، مگر اس بار ہیرا چرانے کا الزام لگے گا۔ میری مَول وِرتی کہہ رہی تھی کہ یہ فلم کرنی چاہیے!"

تمنا نے اپنے ساتھی اداکاروں کی تعریف کرتے ہوئے کہا، "اویناش محنتی اور قدرتی اداکار ہیں، جبکہ جمی کی شخصیت میں ایک خاص مقناطیسیت ہے جو بغیر کچھ کہے ہی متاثر کرتی ہے۔" انہوں نے مزید کہا، "راجیو سر میرے جیم پارٹنر تھے اور ہم مختلف موضوعات پر باتیں کرتے تھے۔"

آخر میں، تمنا نے ہدایتکار نیراج پانڈے کی تعریف کرتے ہوئے کہا کہ "ان کے ون شاٹ سینز کو بطور اداکار تجربہ کرنا بہت مزے دار تھا۔"