اگر انڈیا اور پاکستان کے درمیان سرحد نہ ہوتی تو کیا ہوتا؟ بشریٰ انصاری کی ویڈیو وائرل
لوگوں کو کانٹینٹ اگر اچھا دیا جائے تو وہ ضرور پسند کرتے ہیں ، بشریٰ انصاری
پاکستان شوبز کی سینئر اداکارہ بشریٰ انصاری کا کہنا ہے کہ اگر انڈیا اور پاکستان کے درمیان سرحد (باؤنڈری) نہ ہوتی تو ہمارے اداکار وہاں ٹاپ پر ہوتے۔
بشریٰ انصاری نے سوشل میڈیا پر ایک ویڈیو شیئر کی ہے جس میں انہوں نے حالیہ ڈرامہ ’کبھی میں کبھی تم‘ کی کامیابی اور اداکاروں پر بات کی۔
ویڈیو میں اداکارہ کا کہنا تھا کہ ہمارے ڈرامے کو بھارت میں بھی بہت دیکھا اور پسند کیا گیا ہمارے بچے تو وہاں ہٹ ہوچکے ہیں، اگر پاکستان اور بھارت کے درمیان سرحد نہ ہوتی یہ جھگڑے نہ ہوتے تو آج ہمارے نواجون اداکار بھارت میں ٹاپ پر ہوتے۔