لاہور:
پاکستان بلائنڈ کرکٹ کونسل نے 16 رکنی اسکواڈ کا اعلان کر دیا، نثار علی ٹیم کے کپتان اور بدر منیر نائب کپتان مقرر کیے گئے۔
ٹیم میں بی ون، بی ٹو اور بی تھری کیٹیگریز کے کھلاڑی شامل ہیں۔ بی ون کیٹیگری میں ظفر اقبال، محمد ادریس سلیم، محمد شاہ زیب، فخر عباس، محمد آصف اور محمد سلمان شامل ہیں۔
بی ٹو کیٹیگری میں بابر علی، نعمت اللہ اور ہارون خان جبکہ بی تھری کیٹیگری میں محمد صفدر، کامران اختر، اکمل حیات ناصر، طلحہ اقبال اور مطیع اللہ شامل ہیں۔
ریزرو کھلاڑیوں میں محمد ایاز، معین اسلم اور محمد راشد کو رکھا گیا ہے۔ ٹیم آفیشلز میں ہیڈ کوچ محمد جمیل، اسسٹنٹ کوچ مسعود جان، ٹیم منیجر ملک ابرار حسین اور اسسٹنٹ منیجر نوید حسین عباسی شامل ہیں۔
چوتھا ٹی ٹوئنٹی بلائنڈ کرکٹ ورلڈ کپ 23 نومبر سے پاکستان میں ہوگا اور قومی ٹٰیم اپنا پہلا میچ اسی روز جنوبی افریقا کے خلاف لاہور میں کھیلے گی۔
چیئرمین سید سلطان شاہ کے مطابق سینیئرز کے ساتھ نئے کھلاڑیوں کو بھی موقع دیا گیا ہے، امید ہے کہ ٹیم قوم کی توقعات پر پورا اترے گی۔