رواں سال گندم کی پیداوار گذشتہ سال کی نسبت کم ہوگی، وزارت نیشنل فوڈ سیکیورٹی

وزارت کے پاس رواں سال 5 لاکھ 92 ہزار میٹرک ٹن گندم کا بیج دستیاب ہے، ویٹ بورڈ گندم کے بیج کی ضروریات کے حوالے سے ذمہ دار ہے اور ویٹ بورڈ ای سی سی کو گندم کی درآمد و برآمد کی سفارش بھی کرتا ہے۔

فوڈ سیکیورٹی کمشنر نے بتایا کہ ملکی ضروریات کے پیش نظر ابھی گندم کی برآمد روک دی گئی ہے،اس وقت ملک میں گندم کی کھپت 32 ملین میٹرک ٹن سے زائد ہے اور 8 ملین میٹرک ٹن کے چاروں صوبوں میں ذخائر موجود ہیں۔ 

فوڈ سیکیورٹی کمشنر کا کہنا تھا کہ مارچ میں فیصلہ ہوگا کہ گندم ایکسپورٹ کی جائے یا نہیں۔