بھارت کے مشہور اداکار کمل ہاسن نے اپنے مداحوں سے ایک اہم درخواست کی ہے۔
کمل ہاسن نے حالیہ بیان میں مداحوں، میڈیا اور ساتھیوں سے اپیل کی کہ وہ ان کے لیے کسی بھی اعزاز یا لقب کا استعمال نہ کریں اور انہیں صرف "کمل ہاسن" یا "کمال" کہہ کر پکاریں۔
انہوں نے کہا کہ "آرٹ کا مقام ہمیشہ آرٹسٹ سے اوپر ہے" اور وہ اپنے فن کے طالب علم بنے رہنا چاہتے ہیں۔
انہوں نے اپنے بیان میں کہا، "سنیما ایک اجتماعی آرٹ ہے جسے فنکاروں، تکنیکی ماہرین اور ناظرین کی محنت مل کر عظیم بناتی ہے۔"
اداکار نے مداحوں کا شکر گزار ہوتے ہوئے کہا کہ انہیں ہمیشہ محبت دی گئی اور مختلف اعزازات سے نوازا گیا، لیکن اب وہ عاجزی اور سادگی کو ترجیح دیتے ہیں۔
اس کے علاوہ، کمل ہاسن نے اپنے 70ویں سالگرہ پر فلم 'ٹھگ لائف' کا خصوصی ٹیزر ریلیز کیا جو اگلے سال 5 جون کو سینما گھروں کی زینت بنے گی۔