صبا قمر اور نعمان اعجاز کی نئی ویڈیو پر بھی تنازع کھڑا ہوگیا

لاہور: اداکارہ صبا قمر اور نعمان اعجاز ایک اور نئی مصیبت میں پھنس گئے ہیں۔

سوشل میڈیا پر دونوں اداکاروں کی نئی آنے والی او ٹی ٹی (ویب) سیریز ’مسٹر اینڈ مسز‘ شمیم کی ایک اور ویڈیو سامنے آئی۔

یہ ویڈیو شوٹنگ کی نہیں بلکہ سیٹ کے دوران ممکنہ طور پر اداکارہ صبا قمر نے بنائی ہے جس میں انہوں نے ایک موقع پر نعمان اعجاز کو ’بھگوان‘ لفظ سے مخاطب کیا۔

@m_noumanijaz Subscribe my YouTube channel link in bio.. #naumaanijaz #sabaqamar ♬ original sound - Nouman Ijaz

اس ویڈیو کے سامنے آنے کے بعد سوشل میڈیا صارفین نے تنقید کے نشتر برسانے شروع کردیے جبکہ ایک طبقہ اداکارہ صبا قمر کی حمایت میں بھی سامنے آیا۔

حمایت کرنے والے صارفین نے کہا کہ اداکارہ نے نعمان اعجاز کو ’بھگوان‘ نہیں ’بھاگوان‘ کہا ہے جس کا مطلب حضور، عالی وقار وغیرہ کے ہیں۔ دوسری طرف بیشتر صارفین اسے ہندو مذہب کے بھگوان سے منسوب کر کے صبا قمر پر تنقید کررہے ہیں۔

مزید پڑھیں: نعمان اعجاز اور صبا قمر بولڈ مناظر فلمانے پر تنقید کی زد میں

واضح رہے کہ اس سے قبل بھی مسٹر اینڈ مسز شمیم سیریز کی ایک ویڈیو سامنے آئی تھی جس میں دونوں اداکاروں کی بے تکلفی کو مداحوں نے غیر اخلاقی اور نازیبا قرار دیتے ہوئے شدید تنقید کا نشانہ بنایا تھا۔