اسلام آباد:
حکومت نے پیڑولیم مصنوعات کی قیمت میں اگلے 15 روز کے لیے کسی قسم کی تبدیلی نہ کرنے کا فیصلہ کرلیا اور نوٹیفکیشن بھی جاری کردیا۔
وزارت خزانہ کی جانب سے جاری اعلامیے میں کہا گیا ہے کہ آئل اینڈ گیس ریگولیٹر اتھارٹی (اوگرا) نے عالمی مارکیٹ میں گزشتہ دو ہفتوں کے دوران قیمتوں کے رجحان کے تحت اگلے 15 روز کے لیے پیٹرولیم مصنوعات کی قیمت کے حوالے سے کام کیا۔
اعلامیے میں کہا گیا کہ فیصلہ کیا گیا ہے کہ پیٹرول اور ڈیزل کی قیمت میں اگلے 15 روز کے لیے کوئی تبدیلی نہیں کی جائے گی۔
وزارت خزانہ کے مطابق اگلے 15 روز تک ہائی اسپیڈ ڈیزل کی قیمت فی لیٹر 255 روپے 14 پیسے اور پیٹرول کی قیمت فی لیٹر 248 روپے 38 پیسے برقرار رہے گی۔