کراچی؛ مختلف علاقوں میں مبینہ پولیس مقابلوں کے دوران 3 ملزمان گرفتار، اسلحہ، موٹر سائیکلیں برآمد

شہرکے مختلف علاقوں میں مبینہ پولیس مقابلوں کے دوران 3 ملزمان کوزخمی حالت میں گرفتار کرکے ان کے قبضے سے اسلحہ اور موٹرسائیکلیں برآمد کرلی گئیں۔

تفصیلات کے مطابق جمعے اور ہفتے کی درمیانی شب ڈاکس تھانے کے علاقے مچھر کالونی الہیٰ مسجد کے قریب پولیس اور ڈکیتوں کے درمیان فائرنگ کا تبادلہ ہوا عمرفاروق ولد عبدالغفور نامی ڈکیت زخمی حالت میں گرفتار کرلیا گیا جبکہ اس کے  ساتھی موقع پر سے فرارہوگئے، زخمی حالت مین گرفتار ڈکیت کو سول ٹراما سینٹر منتقل کردیا گیا پولیس نے گرفتار ڈکیت سے تفتیش شروع کردی۔

سائٹ سپر ہائیوے تھانے کے علاقے سپرہائیوے چاکر ہوٹل کے قریب سروس روڈ پر پولیس اور ڈکیتوں کے درمیان فائرنگ کے تبادلے میں سلیم ولد اسلم نامی ڈکیت کو زخمی حالت میں گرفتار کرلیا گیا جبکہ اس کے ساتھی موقع سے فرار ہوگئے زخمی حالت میں گرفتار ڈکیت کوعباسی شہید اسپتال منتقل کردیا گیا گرفتار ڈکیت کے قبضے سے اسلحہ اورموٹرسائیکل برآمد کر لی گئی۔

ڈرگ روڈ نالے والے پُل کے قریب مقابلے  کے دوران پولیس نے بابر ولد محمد اقبال ڈکیت کو گرفتار کرلیا زخمی حالت میں گرفتار ڈکیت کو کارروائی اور طبی امداد کے لیے جناح اسپتال منتقل کردیا گیا۔