گزشتہ ماہ کے پاکستان نے ملتان اور راولپنڈی ٹیسٹ میچ کے دوران اسپن ٹریک بنانے کیلئے آؤٹ فیلڈ اور پچ سکھانے کے طریقے نے سوشل میڈیا پر طوفان برپا کیا تھا۔
پاکستان نے دیو ہیکل ہیٹرز کا استعمال کیا اور انگلینڈ کیخلاف ہوم سیریز میں فتح درج کی تھی اس سیریز میں نعمان علی اور ساجد خان کی گھومتی گیندوں نے انگلش بیٹرز کو پریشان کرکے رکھ دیا تھا۔
اسی طرح بھارت اور افغانستان کے درمیان شیڈول واحد ٹیسٹ میچ جو بارش کے باعث بےنتیجہ ختم ہوا تھا اس میں کئی الگ طریقوں سے آؤٹ خشک کرنے کی کوشش کی گئی تھی لیکن ناکامی کا منہ دیکھنا پڑا تھا اور وہ ٹیسٹ میچ بغیر کئی گیند پھینکے ختم ہوا تھا۔
2020 میں گوہاٹی میں شیڈول میچ کے دوران بھارتی گراؤنڈ اسٹاف کو ہیر ڈرائیر کے ذریعے آؤٹ فیلڈ سکھاتے دیکھا گیا تھا جس پر دنیا کے امیر ترین کرکٹ بورڈ (بی سی سی آئی) کو شدید ٹرولنگ کا سامنا کرنا پڑا تھا۔
پاکستان سپر لیگ (پی ایس ایل) کے ایک واقعہ جو کرکٹ کی تاریخ میں ناقابل یقین تصور کیا جاتا ہے، بورڈ نے لیگ میچ کیلئے پاک فوج کا ہیلی کاپٹر منگواکر میدان سکھانے کی کوشش کی تھی تاکہ دونوں ٹیمیں بہتر حالات میں گراؤنڈ پر ایک دوسرے کے مدمقابل آسکیں۔
انگلینڈ کے 2004 کے نمیبیا کے دورے کو متاثر کیا، اور پہلا میچ گیلے آؤٹ فیلڈ کی وجہ سے تاخیر کا شکار ہوا تھا اسوقت پچ کو خشک کرنے کیلئے ہیلی کاپٹر کو بلایا گیا تھا لیکن پانی سے بھری آؤٹ فیلڈ کو کھود کر ان ٹکڑوں کو تبدیل کرنا پڑا تھا اور کام میں نمیبیا کے کپتان نے حصہ لیا تھا۔
سال 1996 میں راولپنڈی میں ایک میچ کے دوران گراؤنڈ اسٹاف اسفنج سے فیلڈ خشک کرنے کی جدوجہد کررہا تھا جس کی تصویر خوب وائرل ہوئی تھی۔
بھارت کے شہر حیدرآباد میں 1997 کے ویمنز ورلڈکپ کے دوران کوئلوں کو گرم کرکے میدان پر رکھا گیا تھا تاکہ آؤٹ فیلڈ کو سکھایا جاسکے۔
