خیبرپختونخوا کے ضلع جنوبی وزیرستان کے علاقے اعظم ورسک کے بازار میں دھماکا ہوا جس میں خاتون جاں بحق 6 افراد زخمی ہوگئے۔
پولیس کے مطابق اعظم ورسک بازار میں مولانا شہزادہ وزیر پر اپنی مسجد کے قریب آئی ای ڈی دھماکا ہوا۔ جس میں مسجد کے مہتمم شدید زخمی ہوئے ہیں۔
واقعے کے بعد پولیس کی بھاری نفری اور امدادی کارکن جائے وقوعہ پہنچے جہاں سے زخمیوں کو ڈی ایچ کیو اسپتال وانا منتقل کیا گیا۔
پولیس کی ابتدائی تفتیش میں یہ بات سامنے آئی کہ نامعلوم افراد نے آئی ڈی بم نصب کر رکھا تھا۔