کراچی:
قائد آباد پولیس نے شہر کی خفیہ جگہوں پر منشیات کی سپلائی میں ملوث دو سگے بھائیوں کو گرفتار کرلیا۔
گرفتارملزمان شیر خان اور بختیار کے قبضے سے 5 کلو چرس، سپلائی میں استعمال ہونے والی گاڑی اور رقم برآمد ہوئی۔
ملزمان نے دوران تفتیش انکشاف کیا کہ وہ رینٹ کی گاڑی استعمال کرکے منشیات شہر کے مختلف خفیہ مقامات پر فروخت کرتے ہیں۔
دونوں گرفتار ملزمان آپس میں سگے بھائی ہیں، ملزمان شہر کے مختلف علاقوں میں گاڑی کے ذریعے منشیات فروخت کرتے تھے۔
گرفتار دونوں ملزمان کا مزید کرمنل ریکارڈ چیک کیا جارہا ہے، قائد آباد پولیس کی جانب سے ملزمان کے خلاف مقدمہ درج کرکے مزید تفیتش کا آغاز کردیا گیا ہے۔
دوسری جانب اسپیشل انویسٹی گیشن پولیس نے ملیر سٹی تھانے کے علاقے سے بھی 2 منشیات سپلائرز عطااللہ ولد امام بخش، عبدالستار ولد ممتاز کو گرفتار کرکے ان کے قبضے سے آئس برآمد کرلی۔
گرفتار ملزمان بین الصوبائی منشیات فروشوں کے منظم گروہ سے تعلق رکھتے ہیں جو بلوچستان اور کے پی کے سے منشیات لاکر کراچی میں سپلائی کرتے ہیں۔