نوجوت سنگھ سدھو نے کپل شرما شو میں واپسی کیلئے کیا شرط رکھی؟

سدھو نے اپنی خواہش کا اظہار کیا کہ وہ شو کے تمام کرداروں کو ایک مرتبہ پھر ساتھ دیکھنا چاہتے ہیں، انہوں نے کہا ’میری خواہش ہے کہ وہ گلدستہ دوبارہ جُڑ جائے، دادی (علی اصغر) اور گتھی (سنیل گروور) سمیت سبھی واپس آئیں‘۔

کپل شرما نے شو کے دوران وہاں موجود حاضرین سے سوال کہ کیا وہ سدھو پاجی کو پھر سے شو میں دیکھنا چاہتے ہیں  جس پر انکے مداحوں نے پرجوش ہوکر ان کی واپسی کی خواہش ظاہر کی۔

جس پر سدھو نے بھی کپل شرما کے شو میں واپسی کی خواہش کا اظہار کرتے ہوئے واپسی کیلئے یہ شرط بھی رکھی کہ وہ صرف اس ہی صورت میں شو کو جوائن کریں گے اگر ارچنا پورن سنگھ بھی پروگرام کا حصہ رہیں اور ان کے ساتھ بیٹھیں۔

یاد رہے کہ2019  میں پلوامہ حملے پر سدھو کے ایک بیان کے بعد بھارت میں ایک تنازعہ کھڑا ہوگیا تھا، جس کے بعد انتہا پسند ہندوؤں نے ان کے خلاف مظاہرے شروع کیے اور شو سے ان کی برطرفی کا مطالبہ کیا۔ دباؤ کے پیش نظر شو کی انتظامیہ نے سدھو کو شو سے الگ کر دیا تھا۔