اسحاق ڈار سے امریکی سفیر ڈونلڈ بلوم کی ملاقات، پاک امریکا تعلقات پر تفصیلی تبادلہ خیال
دونوں رہنماؤں نے مختلف شعبوں میں تعاون بڑھانے کے مواقع پر بات چیت کی
نائب وزیراعظم و وزیر خارجہ اسحاق ڈار سے امریکی سفیر ڈونلڈ بلوم نے ملاقات کی جس میں پاک امریکا تعلقات پر تفصیلی تبادلہ خیال کیا گیا۔
ترجمان دفتر خارجہ کے مطابق نائب وزیراعظم و وزیر خارجہ سینیٹر محمد اسحاق ڈار سے پاکستان میں تعینات امریکی سفیر ڈونلڈ بلوم نے ملاقات کی ملاقات میں دوطرفہ تعلقات اور باہمی دلچسپی کے امور پر تفصیلی تبادلہ خیال کیا گیا۔
ترجمان کے مطابق دونوں رہنماؤں نے پاکستان اور امریکا کے درمیان مضبوط تعلقات کو مزید فروغ دینے کی ضرورت پر زور دیا اور مختلف شعبوں میں تعاون بڑھانے کے مواقع پر بات چیت کی۔
اس ملاقات کو دونوں ممالک کے درمیان تعلقات کو مزید مستحکم کرنے کی جانب ایک اہم قدم قرار دیا گیا۔